18 November, 2024 06:15:18 PM
മഹാത്മാഗാന്ധി സർവകലാശാല: പരീക്ഷാ അറിയിപ്പുകൾ
കോട്ടയം : മഹാത്മാഗാന്ധി സർവകലാശാലയിലെ വിവിധ പരീക്ഷകൾ സംബന്ധിച്ച അറിയിപ്പുകൾ ചുവടെ.
പരീക്ഷ മാറ്റി
മഹാത്മാഗാന്ധി സര്‍വകലാശാല നാളെ(നവംബര്‍ 20) നടത്താനിരുന്ന എല്ലാ പരീക്ഷകളും മാറ്റിവച്ചു. പുതിയ തീയതികള്‍ വെബ് സൈറ്റില്‍.
പരീക്ഷ തീയതി മാറ്റി
ഡിസംബര്‍ പത്താം തീയതി നടത്താനിരുന്ന അഞ്ചാം സെമസ്റ്റര്‍ ബിഎസ്സി ഹോട്ടല്‍ മനേജമെന്‍റ് ആന്‍റ് കളിനറി ആര്‍ട്സ് (2020 മുതല്‍ അഡ്മിഷനുകള്‍), ബിഎസ്സി കളിനറി ആര്‍ട്സ് ആന്‍റ് കാറ്ററിംഗ് ടെക്നോളജി (2017 മുതല്‍ 2019 വരെ അഡ്മിഷനുകള്‍) പരീക്ഷകള്‍ നവംബര്‍ 30 ലേക്ക് മാറ്റി പുനഃക്രമീകരിച്ചു.
സമയപരിധി നീട്ടി
ഒന്നാം സെമസ്റ്റര്‍ ബിഎഡ് (ക്രെഡിറ്റ് ആന്‍റ് സെമസ്റ്റര്‍ 2024 അഡ്മിഷന്‍ റെഗുലര്‍, 2022, 2023 അഡ്മിഷന്‍ സപ്ലിമെന്‍ററി, 2021 അഡ്മിഷന്‍ ആദ്യ മെഴ്സി ചാന്‍സ്, 2020 അഡ്മിഷന്‍ രണ്ടാം മെഴ്സി ചാന്‍സ്, 2019 അഡ്മിഷന്‍ അവസാന മെഴ്സി ചാന്‍സ് ദ്വിവല്‍സര കോഴ്സ്) പരീക്ഷയ്ക്ക് അപേക്ഷ സമര്‍പ്പിക്കുന്നതിനുള്ള സമയപരിധി നീട്ടി. നവംബര്‍ 20 വരെ ഫൈനില്ലാതെയും ഫൈനോടുകൂടി നവംബര്‍ 21 വരെയും സൂപ്പര്‍ ഫൈനോടുകൂടി നവംബര്‍ 22 വരെയും അപേക്ഷിക്കാം.
പരീക്ഷാ ഫലം
മൂന്നും നാലും സെമസ്റ്റര്‍ പിജിസിഎസ്എസ് എംഎസ്സി മാത്തമാറ്റിക്സ് (പ്രൈവറ്റ് 2016 മുതല്‍ 2018 വരെ അഡ്മിഷനുകള്‍ സപ്ലിമെന്‍ററി, 2014, 2015 അഡ്മിഷനുകള്‍ മെഴ്സി ചാന്‍സ്) പരീക്ഷകളുടെ ഫലം പ്രസിദ്ധീകരിച്ചു. പുനര്‍ മൂല്യനിര്‍ണയത്തിനും സൂക്ഷ്മ പരിശോധനയ്ക്കും നിശ്ചിത ഫീസ് അടച്ച് ഡിസംബര്‍ രണ്ടു വരെ ഓണ്‍ലൈനില്‍ അപേക്ഷിക്കാം. വിശദ വിവരങ്ങള്‍ studentportal.mgu.ac.in എന്ന ലിങ്കില്‍.
