11 March, 2016 10:10:03 PM
മില്‍മയില്‍ 81 ഒഴിവുകള്‍ ; അപേക്ഷ ഓണ്‍ലൈനായി, അവസാന തീയതി മാര്‍ച്ച് 28
എറണാകുളം റീജനല്‍ കോ-ഓപറേറ്റിവ് മില്‍ക് പ്രൊഡ്യൂസേഴ്സ് യൂനിയന്‍ ലിമിറ്റഡില്‍ (ഇ.ആര്‍.സി.എം.പി.യു) വിവിധ തസ്തികകളിലായി 81 ഒഴിവുകളിലേക്ക് ഇപ്പോള്‍ അപേക്ഷിക്കാം. ഇടുക്കി, കോട്ടയം, എറണാകുളം, തൃശൂര്‍ എന്നിവിടങ്ങളിലാണ് ഒഴിവുകള്‍. തസ്തികകളും വിശദാംശങ്ങളും:
1. പേഴ്സനല്‍ ഓഫിസര്‍ (മൂന്ന്) : ബിരുദം, പേഴ്സനല്‍ മാനേജ്മെന്‍റില്‍ പി.ജി/ എം.എസ്.ഡബ്ള്യു/ പേഴ്സനല്‍ അഡ്മിനിസ്ട്രേഷനില്‍ എം.ബി.എ/ പേഴ്സനല്‍ മാനേജ്മെന്‍റില്‍ രണ്ടുവര്‍ഷത്തെ ഡിപ്ളോമ.
2. അക്കൗണ്ട്സ് ഓഫിസര്‍ (നാല്) : ബിരുദം, എ.സി.എ/ഐ.സി.ഡബ്ള്യു.എ പാസും ഒരു വര്‍ഷത്തെ പ്രവൃത്തിപരിചയവും/ എം.കോമും രണ്ടു വര്‍ഷത്തെ പ്രവൃത്തിപരിചയവും.
3. മാര്‍ക്കറ്റിങ് ഓഫിസര്‍ (രണ്ട്) : ആര്‍ട്സ്/ സയന്‍സ്/കോമേഴ്സ് വിഷയങ്ങളില്‍ ബിരുദം, മാര്‍ക്കറ്റിങ് എം.ബി.എ/ ഇര്‍മയില്‍ പി.ജി ഡിപ്ളോമ.
4. ടെക്നിക്കല്‍ സൂപ്രണ്ട് (ഡെയറി-ആറ്) : ഡെയറി സയന്‍സില്‍ ഡിഗ്രി/ഡിപ്ളോമ.
5. ടെക്നിക്കല്‍ സൂപ്രണ്ട് (എന്‍ജിനീയറിങ്-ഇലക്ട്രിക്കല്‍-നാല്) : ഇലക്ട്രിക്കല്‍ എന്‍ജിനീയറിങ്ങില്‍ ഡിഗ്രി/ഡിപ്ളോമ.
6. ടെക്നിക്കല്‍ സൂപ്രണ്ട് (എന്‍ജിനീയറിങ്-മെക്കാനിക്കല്‍-ഒന്ന്) : മെക്കാനിക്കല്‍ എന്‍ജിനീയറിങ്ങില്‍ ഡിഗ്രി/ഡിപ്ളോമ അല്ളെങ്കില്‍ ഡെയറി എന്‍ജിനീയറിങ് ഡിപ്ളോമ.
7. ഡെയറി കെമിസ്റ്റ്/ഡെയറി ബാക്ടീരിയോളജിസ്റ്റ് (ആറ്) : ഡെയറി കെമിസ്ട്രി/ ഡെയറി മൈക്രോബയോളജി/ ഡെയറി ക്വാളിറ്റി കണ്‍ട്രോളില്‍ എം.എസ്സി അല്ളെങ്കില്‍ ക്വാളിറ്റി കണ്‍ട്രോളില്‍ പി.ജി ഡിപ്ളോമ.
8. അസിസ്റ്റന്‍റ് മാര്‍ക്കറ്റിങ് ഓഫിസര്‍ (രണ്ട് ): ഉന്നത മാര്‍ക്കോടെ ഏതെങ്കിലും വിഷയത്തില്‍ പി.ജി/ കാര്‍ഷിക സര്‍വകലാശാലയുടെ കോഓപറേറ്റിവ് ആന്‍ഡ് ബാങ്കിങ് ബിരുദം.
9. മാര്‍ക്കറ്റിങ് ഓര്‍ഗനൈസര്‍ (രണ്ട്) : ഉന്നത മാര്‍ക്കോടെ ഏതെങ്കിലും വിഷയത്തില്‍ പി.ജി/ കാര്‍ഷിക സര്‍വകലാശാലയുടെ കോഓപറേറ്റിവ് ആന്‍ഡ് ബാങ്കിങ് ബിരുദം.
10. ജൂനിയര്‍ സൂപ്പര്‍വൈസര്‍ (പി.ആന്‍ഡ് ഐ) : ബിരുദം, കാര്‍ഷിക സര്‍വകലാശാലയില്‍നിന്ന് എച്ച്.ഡി.സി/ ബി.എസ്സി കോഓപറേറ്റിവ് ആന്‍ഡ് ബാങ്കിങ്.
11. ലാബ് അസിസ്റ്റന്‍റ് (മൂന്ന്) : ബി.എസ്സി കെമിസ്ട്രി/ബയോകെമിസ്ട്രി/ മൈക്രോബയോളജി.
12. ഡ്രൈവര്‍ (ഗ്രേഡ് രണ്ട്-നാല്) : എട്ടാം ക്ളാസ്, ലൈറ്റ് ആന്‍ഡ് ഹെവി മോട്ടോര്‍ ലൈസന്‍സ്.
13. ടെക്നീഷ്യന്‍ (ഇലക്ട്രീഷ്യന്‍ ഗ്രേഡ് രണ്ട്-10) : പത്താം ക്ളാസ്, ഇലക്ട്രിക്കല്‍/ ഇലക്ട്രീഷ്യന്‍ ഐ.ടി.ഐ.
14. ടെക്നീഷ്യന്‍ ബോയ്ലര്‍ (ഗ്രേഡ് രണ്ട്-നാല്) : പത്താം ക്ളാസ്, ഫിറ്റര്‍ ട്രേഡില്‍ ഐ.ടി.ഐ, ബോയ്ലര്‍ അറ്റന്‍ഡന്‍റ് സര്‍ട്ടിഫറ്റ്.
15. ടെക്നീഷ്യന്‍ (ഗ്രേഡ് രണ്ട്-റഫ്രിജറേഷന്‍ ആന്‍ഡ് ഇലക്ട്രിക്കല്‍-രണ്ട്) : പത്താം ക്ളാസ്, ഐ.ടി.ഐ റഫ്രിജറേഷന്‍ ആന്‍ഡ് വയര്‍മാന്‍ ലൈസന്‍സ്.
16. ടെക്നീഷ്യന്‍ (ജനറല്‍ ഗ്രേഡ് രണ്ട്-ഒമ്പത്) : പത്താം ക്ളാസ്, ഐ.ടി.ഐ ഫിറ്റര്‍.
17. പ്ളാന്‍റ് അറ്റന്‍ഡര്‍ (ഗ്രേഡ് മൂന്ന്-16) : പത്താം ക്ളാസ് / തത്തുല്യം.
പ്രായപരിധി: 18-40. എസ്.സി, എസ്.ടിക്കാര്‍ക്ക് അഞ്ചും, ഒ.ബി.സിക്കാര്‍ക്ക് മൂന്നും വര്‍ഷത്തെ ഇളവുണ്ട്.
അപേക്ഷാഫീസ്: 300 രൂപ. എസ്.സി, എസ്.ടിക്കാര്‍ക്ക് ഫീസില്ല. ഡി.ഡി ആയാണ് പണമടക്കേണ്ടത്. അവസാന തീയതി ഏപ്രില്‍ ഏഴ്.
അപേക്ഷിക്കേണ്ട വിധം: ഓണ്‍ലൈനായാണ് അപേക്ഷിക്കേണ്ടത്. അവസാന തീയതി മാര്‍ച്ച് 28. കൂടുതല്‍ വിവരങ്ങള്‍ക്ക്: www.ercmpu.in
