12 March, 2022 04:40:55 PM
മലപ്പുറത്ത് വൻ കുഴൽപ്പണവേട്ട: പിടികൂടിയത് ഒന്നര കോടിയോളം രൂപ; രണ്ട് പേര്‍ പിടിയില്‍
മലപ്പുറം: മലപ്പുറത്ത് വൻ കുഴൽപ്പണവേട്ട. 1.45 കോടി രൂപയുടെ കുഴൽപ്പണമാണ് പിടികൂടിയത്. എറണാകുളം തോപ്പുംപടി സ്വദേശികളായ രാജു, അനിൽ എന്നിവർ കാറിന്‍റെ രഹസ്യ അറയിൽ ഒളിപ്പിപ്പിച്ച് പണം കടത്തുകയായിരുന്നു. ഇരുവരെയും പൊലീസ് അറസ്റ്റ് ചെയ്തു. കഴിഞ്ഞ ഒരാഴ്ചക്കിടെ അഞ്ചു കോടിയോളം രൂപ ജില്ലയിൽ വച്ച് പിടികൂടിയിട്ടുണ്ട്. പെരിന്തൽമണ്ണ, വേങ്ങര, വളാഞ്ചേരി എന്നിവിടങ്ങളിൽ നിന്നാണ് പണം പിടികൂടിയിരുന്നത്.
