01 July, 2020 09:52:29 AM
വളാഞ്ചേരി വട്ടപ്പാറയിൽ ഗ്യാസ് ടാങ്കർ മറിഞ്ഞ് വാതകചോർച്ച; ഡ്രൈവറെ രക്ഷപെടുത്തി
മലപ്പുറം: ദേശീയപാതയിൽ വളാഞ്ചേരി വട്ടപ്പാറയിൽ ഗ്യാസ് ടാങ്കർ നിയന്ത്രണം വിട്ട് മറിഞ്ഞ് വാതകം ചോർന്നു. വാഹനത്തിനുള്ളിൽ കുടുങ്ങിയ ഡ്രൈവർ തിരുനൽവേലി സ്വദേശി അറമുഖ സ്വാമിയെ (38) പുറത്തെടുത്ത് ആശുപത്രിയിൽ പ്രവേശിപ്പിച്ചു. നിറയെ പാചകവാതകവുമായി കൊച്ചി ഭാഗത്തേക്കു പോകുന്ന കാപ്സ്യൂൾ ടാങ്കറാണ് അപകടത്തിൽപ്പെട്ടത്. പോലീസും ഫയർ ഫോഴ്സും സ്ഥലത്തെത്തി. താഴ്ചയിലേക്കു മറിഞ്ഞ ലോറിയിൽ നിന്നും നിന്ന് വാതകം മറ്റൊരു ടാങ്കറിലേക്ക് മാറ്റുകയാണ്. തൃശൂർ, കോഴിക്കോട് ദേശീയ പാതയിൽ ഗതാഗതം ബൈപ്പാസ് റോഡിലൂടെ വഴിതിരിച്ചുവിട്ടു.
