24 June, 2017 04:28:46 PM
നികുതിവെട്ടിപ്പ്: പിഴയടച്ചാൽ മെസിക്ക് ജയിൽ ശിക്ഷ ഒഴിവാകും
മാഡ്രിഡ്: നികുതിവെട്ടിപ്പ് കേസിൽ ബാഴ്സിലോണ സൂപ്പർ താരം ലയണൽ മെസിക്ക് ജയിൽ ഒഴിവാക്കാൻ അവസരം ഒരുങ്ങുന്നു. പിഴയടച്ചാൽ മെസിയെ തടവ് ശിക്ഷയിൽനിന്നും ഒഴിവാക്കാനാവുമെന്ന് സ്പാന്‍റിഷ് പ്രോസിക്യൂട്ടർ അറിയിച്ചു. 21 മാസമാണ് മെസിക്ക് തടവ് ശിക്ഷ വിധിച്ചിരിക്കുന്നത്. ഓരോ ദിവസത്തിനും 400 യൂറോ വീതം 255,000 യൂറോ അടച്ചാൽ ജയിൽ ഒഴിവാക്കുമെന്നാണ് പ്രോസിക്യൂട്ടർ അറിയിച്ചിരിക്കുന്നത്.
എന്നാൽ തന്നെയും സ്പാനിഷ് കോടതിയാണ് അന്തിമ വിധി പുറപ്പെടുവിക്കേണ്ടത്. നികുതി വെട്ടിപ്പുമായി ബന്ധപ്പെട്ട കേസിൽ മെസിയേയും പിതാവ് ജോർജിനേയുമാണ് സ്പാനിഷ് കോടതി ശിക്ഷിച്ചത്. ഇരുവർക്കും യഥാക്രമം 1.75 മില്യൺ 1.3 മില്യൺ ഡോളർ പിഴയും വിധിച്ചിട്ടുണ്ട്.2007-2009 കാലയളവിൽ നികുതി വെട്ടിച്ചതുമായി ബന്ധപ്പെട്ട കേസിൽ കഴിഞ്ഞ വർഷം ജൂലൈയിൽ ബാഴ് സിലോണയിലെ കോടതിയാണ് മെസി കുറ്റക്കാരനാണെന്ന് കണ്ടെത്തിയത്.
