09 January, 2025 10:20:35 PM
അഖില കേരള ഇൻ്റർ സ്കൂൾ കെ.ഇ.ട്രോഫി വോളിബോൾ ടൂർണമെന്‍റ്
കോട്ടയം: മാന്നാനം കുര്യാക്കോസ് ഏലിയാസ് ഇംഗ്ലീഷ് മീഡിയം സ്കൂൾ ആതിഥേയത്വം വഹിക്കുന്ന 24-ാമത് വോളിബോൾ ടൂർണമെൻ്റ് ജനുവരി 10 മുതൽ 12 വരെ സ്കൂൾ മൈതാനത്ത് നടക്കും. ആൺകുട്ടികൾക്കും പെൺകുട്ടികൾക്കുമായി സംഘടിപ്പിക്കുന്ന ടൂർണമെൻ്റിൽ കേരളത്തിലെ 18 ടീമുകളാണ് പങ്കെടു ക്കുന്നത്.
10-ാം തീയതി വൈകുന്നേരം മൂന്നിന് നടക്കുന്ന ഉദ്ഘാടനസമ്മേളനത്തോടെ ടൂർണ മെന്റിന് തുടക്കം കുറിക്കും. സ്കൂൾ പ്രിൻസിപ്പൾ റവ.ഡോ.ജെയിംസ് മുല്ലശ്ശേരി അധ്യക്ഷത വഹിക്കുന്ന സമ്മേളനത്തിൽ മാണി സി കാപ്പൻ എം.എൽഎ ഉദ്ഘാടന കർമ്മം നിർവഹിക്കും. കോട്ടയം ജില്ലാ പഞ്ചായത്ത് മെമ്പർ റോസമ്മ സോണി, അതിരമ്പുഴ ഗ്രാമ പഞ്ചായത്ത് മെമ്പർ ഷാജി ജോസഫ്, സ്കൂൾ പിടിഎ പ്രസിഡൻ്റ് അഡ്വക്കേറ്റ് ജെയ്‌സൺ ജോസഫ്, വൈസ്പ്രസിഡന്റ് ഇന്ദു പി നായർ തുടങ്ങിയവർ സന്നിഹിതരാകും. കുട്ടികളുടെ വർണ്ണാഭമായ കലാപരിപാടികളും അരങ്ങേറും.
കാരന്തൂർ മാർക്കസ് എച്ച്എസ്എസും ഗോതുരുത്ത് സെൻറ് സെബാസ്റ്റ്യൻസ് വോളിബോൾ അക്കാദമിയും തമ്മിലായിരിക്കും ഉദ്ഘാടനമത്സ രം. ജനുവരി 12-ാം തീയതി നടക്കുന്ന സമാപന സമ്മേളനത്തിൽ മാന്നാനം ആശ്രമാധിപൻ റവ. ഡോ. കുര്യൻ ചാലങ്ങാടി അധ്യക്ഷത വഹിക്കും പ്രശസ്‌ത സംവിധായകൻ പ്രസാദ് വാളച്ചേരിൽ വിശിഷ്‌ടാതിഥിയായിരിക്കും. കെ.ഇ. റസിഡൻസ് പ്രീഫറ്റ് ഫാ. ഷൈജു സേവ്യർ, അതിരമ്പുഴ ബ്ലോക്ക് പഞ്ചായത്ത് മെമ്പർ അന്നമ്മ മാണി തുടങ്ങിയവർ പങ്കെടുക്കും.
കായിക കേരളത്തിന് അഭിമാനകരമായ നിരവധി താരങ്ങളെ പ്രോത്സാഹിപ്പിക്കുന്നതിനും കണ്ടെ ത്തുന്നതിനും അവസരം ഒരുക്കുന്ന ഈ ടൂർണമെൻ്റിൽ വിജയികളാകുന്നവർക്ക് ട്രോഫിയും പങ്കെ ടുക്കുന്ന ടീമുകൾക്ക് ക്യാഷ് അവാർഡും സമ്മാനിക്കുന്നതാണെന്ന് മാന്നാനം സ്കൂൾ പ്രിൻസിപ്പലും ഡയറക്‌ടറുമായ റവ. ഡോ. ജെയിംസ് മുല്ലശ്ശേരി സിഎംഐ അറിയിച്ചു. ടൂർണമെന്റിന്റെ വിജ യകരമായ നടത്തിപ്പിനായി കായികാധ്യാപകരായ തോമസ് കെ.ജെ., സന്തോഷ് ജോസ്, ഗ്രേസി മാത്യു, ബെച്ചിൻ എസ് നാഥ്, ജോ ബിജോയ്, മിനി എം. മാത്യു, മെലൻ എൻ വി, ശ്രീജു എസ് തുടങ്ങിയവരുടെ വിവിധ കമ്മറ്റികൾ പ്രവർത്തിക്കുന്നു.
