19 June, 2023 07:13:55 AM
ക്രൊയേഷ്യയെ തകർത്തു; യുവേഫ നേഷണ്‍സ് ലീഗ് കിരീടം സ്വന്തമാക്കി സ്പെയിൻ
റോട്ടൻഡാം: യുവേഫ നേഷണ്‍സ് ലീഗ് കിരീടം സ്വന്തമാക്കി സ്പെയിൻ. ഫൈനലിൽ ക്രൊയേഷ്യയെ പെനാൽറ്റി ഷൂട്ടൗട്ടിലാണ് സ്പെയിൻ തകർത്തത്. നിശ്ചിത സമയത്ത് ഗോൾ ഒന്നും പിറക്കാത്ത മത്സരത്തിൽ 5-4 നായിരുന്നു സ്പെയിന്‍റെ ജയം. മത്സരത്തിന്‍റെ തുടക്കം മുതൽ ഇരുടീമുകളും ഗോൾ വഴങ്ങാതിരിക്കുന്നതിലാണ് ശ്രദ്ധ കൊടുത്തത്.
അസെൻസിയോയും അൻസു ഫതിയും സ്പെയിനിനായി ഗോൾ നേടുന്നതിന് അടുത്ത് എത്തിയെങ്കിലും ഫൈനൽ ടച്ച് പാളി. ഇതോടെ കളി എക്സ്ട്രാ ടൈമിലേക്ക് നീങ്ങി. അധിക സമയത്തും കാര്യമായ മാറ്റം ഒന്നും സംഭവിച്ചില്ല. തുടർന്ന് മത്സരം പെനാൽറ്റി ഷൂട്ടൗട്ടിലെത്തിയത്. ലോവ്രോ മേജറും ബ്രൂണോ പെറ്റ്കോവിചും എടുത്ത പെനാൽറ്റി കിക്കുകൾ വലയിൽ എത്തിയില്ല. ഇത് ക്രൊയേഷ്യക്ക് തിരിച്ചടിയായി. സ്പെയിനിനായി കിക്കെടുത്ത അയ്മെറിക് ലാപോർട്ടെയ്ക്കും ലക്ഷ്യം പിഴച്ചു.
