28 January, 2017 04:47:38 PM
ആസ്ട്രേലിയൻ ഒാപൺ: ഇരുപത്തിമൂന്നാം ഗ്രാൻഡ്സ്ലാം കിരീടം സെറീന കരസ്ഥമാക്കി
മെൽബൺ: ആസ്ട്രേലിയൻ ഒാപൺ ഫൈനലിൽ സഹോദരിമാരുടെ പോരാട്ടത്തിൽ സെറീനക്ക് ചരിത്ര നേട്ടം. മുതിർന്ന സഹോദരിയായ വീനസ് വില്യംസിനെ 6–4, 6–4 ന് തോൽപിച്ച് സെറീന കിരീടം ചൂടി. 22 ഗ്രാൻഡ്സ്ലാം കിരീടം നേടിയ സ്റ്റെഫി ഗ്രാഫിന്‍റെ റെക്കോഡും സെറീന മറികടന്നു .ജയത്തോടെ സെറീന വീണ്ടും ഒന്നാം റാങ്കുകാരിയായി.
സെറീനയുടെ ഏഴാം ആസ്ട്രേലിയന്‍ ഓപണ്‍ കിരീടം കൂടിയാണിത്. കഴിഞ്ഞ വര്‍ഷം ഫൈനലില്‍ ആഞ്ജലിക് കെര്‍ബറോട് ഒന്നിനെതിരെ രണ്ട് സെറ്റുകള്‍ക്ക് സെറീന പരാജയപ്പെട്ടിരുന്നു.
2009 ലെ വിംബിൾഡൺ ഫൈനലിന് ശേഷം ആദ്യമായിട്ടാണ് വില്യംസ് സഹോദരിമാർ നേരിട്ട് ഏറ്റുമുട്ടുന്നത്. സെറീനയും വീനസും നേർക്കുനേർ വന്ന ഒമ്പതാം ഗ്രാൻഡ്സ്ലാം ഫൈനലായിരുന്നു ഇത്. വീനസ് അവസാനമായി ഒരു പ്രധാന ടൂർണമെൻറിന്‍റെ ഫൈനലിൽ കളിച്ചതും അന്നാണ്.
