26 November, 2016 11:26:47 PM
ഹോങ്കോംഗ് ഒാപ്പൺ സൂപ്പർ സീരിസ് : പി.വി സിന്ധുവും സമീർ വർമയും ഫൈനലിൽ
വിക്ടോറിയ സിറ്റി: ഹോങ്കോംഗ് ഒാപ്പൺ സൂപ്പർ സീരിസ് ബാഡ്മിൻറൺ ചാമ്പ്യൻഷിപ്പിൽ ഇന്ത്യയുടെ പി.വി.സിന്ധുവും സമീർ വർമയും ഫൈനലിലെത്തി. നേരിട്ടുള്ള സെറ്റുകൾക്ക് ഹോങ്കോംഗിന്‍റെ ചെങ് നാഗാനെയിയെ തോൽപ്പിച്ചാണ് സിന്ധു ഫൈനലിലെത്തിയത്. സ്കോർ 21-14,21-16. ഡെൻമാർക്കിന്‍റെ യൊർഗോൻസെനെയെ അട്ടിമറിച്ചു കൊണ്ടാണ് സമീർ വർമ്മ ഫൈനലിലെത്തിയത്. സ്കോർ 21-19,24-22.
വാശിയേറിയ രണ്ട് ഗെയിമുകൾക്ക് ശേഷമായിരുന്നു സമീർ വർമ്മയുടെ വിജയം. ആദ്യമായാണ് സമീർ ഹോങ്കോംഗ് ഒാപ്പണിന്‍റെ ഫൈനലിലെത്തുന്നത്. ആദ്യ ഗെയിമിൽ 7-2 മുന്നിലായ സമീർ ആ ഗെയിമിൽ യൊർഗോൻസെന്നിന് തിരിച്ചുവരാൻ അവസരം കൊടുക്കാതെ പിടിച്ചെടുക്കുകയായിരുന്നു. എന്നാൽ രണ്ടാം ഗെയിം യൊർഗോസെൻ തിരിച്ചുവരവിന് ശ്രമിച്ചെങ്കിലും സമീർ വിട്ടുകൊടുക്കാതെ ഫൈനൽ ബർത്തും സ്വന്തമാക്കി.
