11 November, 2016 11:54:10 PM
ഇന്ത്യ 319/4 ; ചേതേശ്വർ പൂജാരക്കും മുരളി വിജയ്ക്കും സെഞ്ച്വറി
രാജ്കോട്ട്: ബാറ്റ്സ്മാൻമാരെ കണ്ടറിഞ്ഞ് സഹായിക്കുന്ന പിച്ചിൽ ഇംഗ്ലണ്ടിന് തുല്യ മറുപടി കൊടുത്ത് ഇന്ത്യ. ഒന്നാം ഇന്നിങ്സിൽ ഇന്ത്യയുടെ ചേതേശ്വർ പുജാര(124) , മുരളി വിജയ്(126) എന്നിവർ സെഞ്ച്വറി നേട്ടം കരസ്ഥമാക്കി. ഇരുവരുടെയും സെഞ്ച്വറിയുടെ കരുത്തിൽ ഇന്ത്യ നാല് വിക്കറ്റ് നഷ്ടത്തിൽ 319 റൺസ് എന്ന നിലയിലാണ്.
ഇംഗ്ലണ്ടിന്‍റെ 537 എന്ന കൂറ്റൻ സ്കോറിനെതിരെ ബാറ്റിങ് തുടങ്ങിയ ഇന്ത്യക്ക് തുടക്കത്തിൽ തന്നെ ഗംഭീറിനെ നഷ്ടപ്പെട്ടു. പിന്നീട് പുജാരയും മുരളി വിജയും തമ്മിലുള്ള കൂട്ടുകെട്ടാണ് ഇന്ത്യൻസ്കോർ ഉയർത്തിയത്. 123 റൺസെടുത്ത പുജാര പിന്നീട് പുറത്തായി. അമിത് മിശ്ര സഫർ അൻസാരിയുടെ പന്തിൽ പൂജ്യനായി മടങ്ങി. ക്യാപ്റ്റൻ വിരാട് കോഹ്ലി (26)യാണ് ക്രീസിലുള്ളത്.
