06 August, 2022 10:25:36 AM
തിരുവല്ലയില്‍ ബ്യൂട്ടിപാര്‍ലറില്‍ തീപിടിത്തം: ആളപായമില്ല; ഒഴിവായത് വൻ ദുരന്തം
പത്തനംതിട്ട: തിരുവല്ലാ കുരിശുകവലയില്‍ പ്രവര്‍ത്തിക്കുന്ന ബ്യൂട്ടിപാര്‍ലറില്‍ തീപിടിത്തം. അഗ്നിശമന സേന സ്ഥലത്തെത്തി തീ പൂര്‍ണമായും അണച്ചു. ഇന്നു രാവിലെ 8.50 ഓടെ ഇവിടെ എത്തിയ ജീവനക്കാരാണ് എസിയില്‍നിന്ന് തീ പടരുന്നത് കണ്ടത്. ഉടനെ അഗ്നിശമനസേനയെ വിവരമറിയിച്ചു.
ബ്യൂട്ടിപാര്‍ലറിലെ സാധനങ്ങള്‍ പൂര്‍ണമായും കത്തി നശിച്ച നിലയിലാണ്. ഇവിടെയുണ്ടായിരുന്ന രാസവസ്തുക്കളുടെ സാന്നിധ്യവും തീ പടര്‍ന്നു പിടിക്കാന്‍ കാരണമായെന്നാണ് വിലയിരുത്തല്‍. തൊട്ടടുത്ത് പെട്രോള് പമ്പ് ഉള്‍പ്പെടെയുള്ളതിനാല്‍ അഗ്നി ശമന സേനയുടെ സമയോചിതമായ ഇടപെടല്‍മൂലം മൂലം വന്‍ ദുരന്തമാണ് ഒഴിവായത്.
