05 March, 2022 09:23:52 PM
അടൂരിൽ വാഹനം തടഞ്ഞുനിര്‍ത്തി യുവാവിനെ വെട്ടി; അക്രമിസംഘത്തില്‍ രണ്ട് പേര്‍
അടൂര്‍: അടൂരിൽ യുവാവിനു വെട്ടേറ്റു. സുനിൽ സരേന്ദ്രൻ എന്നയാളിനാണ് വെട്ടേറ്റത്. ഡി വൈ എഫ് ഐ സമ്മേളനവുമായി ബന്ധപ്പെട്ട് ശനിയാഴ്ച വൈകിട്ട് ആറു മണിയോടെ മലങ്കാവിലേക്കു പോകും വഴി മാഞ്ഞാലിയിൽ വെച്ച് വാഹനം തടഞ്ഞു നിർത്തി രണ്ടു പേർ ഇയാളെ ആക്രമിക്കുകയായിരുന്നു. വെട്ടേറ്റയാളിനെ അടൂർ താലൂക്കാശുപത്രിയിൽ പ്രവേശിപ്പിച്ചു. പോലീസ് സ്ഥലത്തെത്തി മേൽ നടപടികൾ സ്വീകരിച്ചു.
