22 January, 2020 05:39:30 PM
പത്തനംതിട്ട നഗരത്തിൽ തെരുവ് നായ ആക്രമണം; 20 പേർക്ക് കടിയേറ്റു
പത്തനംതിട്ട: പത്തനംതിട്ട നഗരത്തിൽ തെരുവ് നായ ആക്രമണം. 20 പേർക്കാണ് തെരുവു നായയുടെ കടിയേറ്റത്. പരിക്കേറ്റവരെ ജനറൽ ആശുപത്രിയിൽ പ്രവേശിപ്പിച്ചു. ദിവസങ്ങളായി നഗരത്തിൽ തെരുവ് നായ ശല്യം രൂക്ഷമാണെന്ന് ജനങ്ങൾ പരാതിപ്പെട്ടിരുന്നു.
വിദ്യാർഥികളും വൃദ്ധരും ഉൾപ്പടെയുള്ളവർക്ക് കടിയേറ്റു. നഗരത്തിന്‍റെ പല പ്രദേശങ്ങളിലൂടെ ഓടി നടന്നാണ് തെരുവ് നായ ആക്രമണം നടത്തിയത്. എല്ലാവരെയും കടിച്ചത് ഒരു നായ തന്നെയാണെന്ന് ആക്രമണത്തിനിരയായവർ പറഞ്ഞു. നായയെ പിന്നീട് നാട്ടുകാർ അടിച്ചുകൊന്നു.
