05 June, 2023 08:51:28 AM
കൊല്ലത്തു നിന്നും പുറപ്പെട്ട ട്രെയിനിന്‍റെ കോച്ചിൽ വിള്ളൽ; ഒഴിവായത് വൻ ദുരന്തം
കൊല്ലം: കൊല്ലത്തുനിന്നും എഗ്മോറിലേക്കു പോയ എക്സ്പ്രസ് ട്രെയിനിന്‍റെ കോച്ചിൽ രൂപപ്പെട്ട വിള്ളൽ ചെങ്കോട്ട റെയിൽവേ സ്റ്റേഷനിൽ വെച്ച് കണ്ടെത്തിയതോടെ വൻ ദുരന്തം ഒഴിവായി. കൊല്ലത്തുനിന്നും ഞായറാഴ്ച ഉച്ചകഴിഞ്ഞ് യാത്രതിരിച്ച ട്രെയിൻ ചെങ്കോട്ട റെയിൽവേ സ്റ്റേഷനിൽ എത്തിയപ്പോഴാണ് എസ്- മൂന്ന് കോച്ചിന്‍റെ അടിഭാഗത്ത് വിള്ളൽ കണ്ടത്.
തുടർന്ന് ഒരു മണിക്കൂർ കൊണ്ട് ഷണ്ടിങ് നടത്തി ഈ ബോഗി മാറ്റിയശേഷം യാത്രക്കാരെ മറ്റൊരു ബോഗിയിൽ കയറ്റുകയായിരുന്നു. മധുര റെയിൽവേ സ്റ്റേഷനിൽ എത്തിയശേഷം മറ്റൊരു കോച്ച് ഘടിപ്പിച്ചാണ് ട്രെയിൻ എഗമോറിലേക്ക് യാത്ര തുടർന്നത്.
കോച്ചിൽ രൂപപ്പെട്ട വിള്ളൽ ചെങ്കോട്ടിൽ ശ്രദ്ധയിൽപ്പെട്ടില്ലിയിരുന്നെങ്കിൽ അവിടെ നിന്നും അമിതവേഗതയിൽ ട്രെയിൻ യാത്ര തുടരുമ്പോൾ അപകട സാധ്യത ഏറെയായിരുന്നു. തെങ്കാശി മുതൽ എഗ്മോർ വരെ 100 കിലോമീറ്റർ വേഗതയിലാണ് ട്രെയിൻ പോകുന്നത്.
