15 October, 2021 11:18:46 AM
പഞ്ചായത്ത് പ്രസിഡന്‍റിന്‍റെ നേതൃത്വത്തിൽ ഡോക്ടറെ കൈയേറ്റം ചെയ്തു; കേസെടുത്ത് പോലീസ്
കൊല്ലം: ശാസ്താംകോട്ട താലൂക്ക് ആശുപത്രിയിലെ ഡോക്ടറെ പഞ്ചായത്ത് പ്രസിഡന്‍റിന്‍റെ നേതൃത്വത്തില്‍ കൈയേറ്റം ചെയ്‌തെന്ന് പരാതി. സംഭവത്തില്‍ ശൂരനാട് വടക്ക് പഞ്ചായത്ത് പ്രസിഡന്‍റ് ശ്രീകുമാര്‍ ഉള്‍പ്പടെയുള്ളവര്‍ക്കെതിരെ പോലീസ് കേസെടുത്തു.
പരിക്കേറ്റ ഡോ. ഗണേശ് കൊട്ടാരക്കര താലൂക്ക് ആശുപത്രിയില്‍ ചികിത്സയിലാണ്. സംഭവത്തില്‍ പ്രതിഷേധിച്ച് ശാസ്താംകോട്ട താലൂക്ക് ആശുപത്രിയിലെ ഒപി ബഹിഷ്‌കരിച്ച് ഡോക്ടര്‍മാര്‍ രംഗത്തെത്തി. അതേസമയം, ഡോക്ടര്‍ തന്നെയും തനിക്കൊപ്പമുണ്ടായിരുന്നവരെയുമാണ് മര്‍ദിച്ചതെന്ന് ശ്രീകുമാര്‍ ആരോപിച്ചു.
