14 September, 2021 02:10:28 PM
റിട്ട.എസ്ഐയുടെ നേതൃത്വത്തിൽ വിവരാവകാശ പ്രവർത്തകന്‍റെ വീട് ആക്രമിച്ചു
കൊല്ലം: വിവരാവകാശ പ്രവർത്തകന്‍റെ വീട് റിട്ട.എസ്ഐയുടെ നേതൃത്വത്തിൽ ആക്രമിച്ചു. കരുനാഗപ്പള്ളി സ്വദേശി ശ്രീകുമാറിന്‍റെ വീടാണ് ആക്രമിച്ചത്. റിട്ട. എസ്ഐ റഷീദിന്‍റെ നേതൃത്വത്തിലുള്ള നാലംഗ സംഘമാണ് വീടാക്രമിച്ചതെന്ന് ശ്രീകുമാർ പോലീസിൽ നൽകിയ പരാതിയിൽ പറയുന്നു.
സംഘം വീടാക്രമിക്കുന്നതിന്‍റെ ദൃശ്യങ്ങളും പുറത്തുവന്നിട്ടുണ്ട്. ശ്രീകുമാറിനെയും മാതാവ് അമ്മിണിയേയും കന്പിവടിക്ക് അടിക്കുന്നതിന്‍റെ ദൃശ്യങ്ങളാണ് പുറത്തുവന്നിരിക്കുന്നത്. മകന്‍റെ അനധികൃത നിർമാണത്തിനെതിരെ പരാതി നൽകിയതാണ് റഷീദിനെ ചൊടിപ്പിച്ചത്. പരാതിയെതുടർന്ന് കരുനാഗപ്പള്ളി പോലീസ് കേസെടുത്തത്.
