01 June, 2021 05:01:11 AM
വാഹനങ്ങൾ കത്തിച്ചു, സിസിടിവി തകർത്തു; ശാസ്താംകോട്ടയിൽ യുവാക്കൾ അറസ്റ്റിൽ
കൊല്ലം: ശാസ്താംകോട്ടയില്‍ വാഹനങ്ങള്‍ക്ക് തീയിടുകയും പോലീസ് സ്റ്റേഷന് പരിസരത്തെ സിസിടിവി കാമറ തകര്‍ക്കുകയും ചെയ്ത കേസില്‍ രണ്ടു യുവാക്കള്‍ അറസ്റ്റില്‍. അജിത്ത്(22), സ്റ്റെറിൻ(20) എന്നിവരാണ് അറസ്റ്റിലായത്. ഞായറാഴ്ച പുലർച്ചെയാണ് അക്രമസംഭവം അരങ്ങേറിയത്.
ഇരുവരും പോലീസ് സ്റ്റേഷന് സമീപത്തെ റോ‍ഡില്‍ സിസിടിവി കാമറ തകർക്കുകയും പോലീസ് കസ്റ്റഡിയിലുണ്ടായിരുന്ന ലോറിയും സമീപത്തെ വീട്ടിലെ ഇരുചക്ര വാഹനവും തീവച്ചു നശിപ്പിക്കുകയുമായിരുന്നു. ആക്രമണത്തിനു ശേഷം ഇരുവരും ഒളിവിൽ പോകാൻ ശ്രമിച്ചു. എന്നാൽ മൊബൈൽ ഫോൺ കേന്ദ്രീകരിച്ച് നടത്തിയ അന്വേഷണത്തിൽ ഇരുവരും പിടിയിലാവുകയായിരുന്നു.
