24 October, 2020 08:16:18 AM
ഒരു മോതിരം ഒന്നില്‍ കൂടുതല്‍ കുട്ടികള്‍ക്ക് ഉപയോഗിക്കാന്‍ പാടില്ല; കര്‍ശനനിയന്ത്രണം
കൊച്ചി : ഇന്ന് മഹാനവമി. തിങ്കളാഴ്ചയാണ് വിജയദശമിയും വിദ്യാരംഭവും നടക്കുക. ഇത്തവണ രണ്ടുദിവസമാണ്‌ മഹാനവമിയുടെ ഭാഗമായുള്ള പൂജകൾ. ദുർഗാഷ്‌ടമി ദിനമായ ഇന്നലെ വിദ്യാർഥികൾ പഠനോപകരണങ്ങൾ പൂജവച്ചു. കോവിഡിന്‍റെ പശ്ചാത്തലത്തിൽ ആഘോഷങ്ങൾക്ക് കർശന നിയന്ത്രണം ഏർപ്പെടുത്തിയിട്ടുണ്ട്. നാവിൽ എഴുതാൻ ഒരുകുട്ടിക്ക് ഉപയോഗിച്ച സ്വര്‍ണം അടക്കമുള്ളവ മറ്റു കുട്ടികള്‍ക്ക് ഉപയോഗിക്കരുത്, കൂടാതെ ആളുകൾ അധികം ചടങ്ങിൽ പങ്കെടുക്കരുതെന്നും സർക്കാരിന്‍റെ പ്രത്യേക നിർദേശമുണ്ട്. കൊവിഡ് നിയന്ത്രണങ്ങൾ നിലനിൽക്കുന്നതിനാൽ ഇത്തവണ നവരാത്രി പൂജയും വിജയദശമി നാളിലെ എഴുത്തിനിരുത്തും ക്ഷേത്രങ്ങളിലോ സ്ഥാപനങ്ങളിലോ വച്ചു വേണമെന്ന് നിർബന്ധം പിടിക്കേണ്ടതില്ലെന്നും സര്‍ക്കാര്‍ നിര്‍ദ്ദേശിച്ചിരുന്നു.
