17 February, 2025 07:23:24 PM
കോഴാ നരസിംഹ സ്വാമി ക്ഷേത്രത്തിലെ ഉത്സവത്തിന് ഫെബ്രുവരി 21ന് കൊടിയേറും
രാജേഷ് കുര്യനാട്
കുറവിലങ്ങാട്: കോഴാ നരസിംഹ സ്വാമി ക്ഷേത്രത്തിലെ ഉത്സവത്തിന് ഫെബ്രുവരി 21ന് കൊടിയേറും. 25 നാണ് പള്ളിവേട്ട. 26ന് ആറാട്ടോടെ ഉത്സവം സമാപിക്കും. 21ന് വൈകിട്ട് 5.00 ന് കൊടിക്കൂറ ഘോഷയാത്രയെ തുടർന്ന് രാത്രി 7ന് തന്ത്രി മനയത്താറ്റില്ലത്ത് അനിൽ ദിവാകരൻ നമ്പൂതിരിയുടെയും മേൽശാന്തി പൊതിയിൽമന അനൂപ് കേശവൻ നമ്പൂതിരിയുടെയും കാർമികത്വത്തിലാണ് കൊടിയേറ്റ്.
രാത്രി 7.30ന് കലാപീഠം രതീഷും സംഘവും അവതരിപ്പിക്കുന്ന പഞ്ചവാദ്യവും തുടർന്ന് അന്നദാനവും നടക്കും. 22, 23, 25 ദിവസങ്ങളിലാണ് ഉത്സവബലി. 22 ന് രാവിലെ 10.30 ന് ഉത്സവബലിദർശനം,11.30ന് പ്രസാദമൂട്ട്, രാത്രി 7 ന് നൃത്ത സന്ധ്യ, 23 ന് രാവിലെ 10.30 ന് ഉത്സവബലിദർശനം, 11.30 ന് പ്രസാദമൂട്ട്, രാത്രി 7 ന് തിരുവാതിരകളി എന്നിവയാണ് പ്രധാന പരിപാടികൾ.
24ന് രാത്രി 7 ന് സംസ്ഥാന സ്കൂൾ കലോത്സവത്തിൽ
ഒന്നാം സ്ഥാനം നേടിയ സി.എസ് ബാലശങ്കർ അവതരിപ്പിക്കുന്ന പുല്ലാങ്കുഴൽ കച്ചേരി, 25 ന് രാവിലെ 10.30 ന് ഉത്സവബലിദർശനം,11.30 ന് പ്രസാദമൂട്ട്, രാത്രി 7ന് കലാമണ്ഡലം ജയകുമാർ അവതരിപ്പിക്കുന്ന ഓട്ടൻതുള്ളൽ 8.30ന് പള്ളിവേട്ട പുറപ്പാട്, 9.30 ന് പള്ളിവേട്ട എതിരേൽപ്, വലിയ വിളക്ക്, വലിയ കാണിക്ക എന്നിവ നടക്കും.
ആറാട്ട് ദിവസമായ 26 ന് രാവിലെ 9 മുതൽ സംഗീതസമന്വയം,11.30 ന് തിരുവോണ പൂജ ദർശനം,12 .30 മുതൽ ആറാട്ട് സദ്യ, വൈകുന്നേരം 7ന് കൊടിയിറക്കിനെ തുടർന്ന് ആറാട്ട്. ഉത്സവദിവസങ്ങളിൽ ദിവസവും രാവിലെ 5.30 ന് നിർമാല്യ ദർശനം, വൈകിട്ട് 6.30 ന് ദീപാരാധന, 8ന് ശ്രീഭൂതബലി, വിളക്ക് എന്നിവ നടക്കും.
