09 August, 2020 02:02:25 PM
'മോദിയുടെ ചെവിക്കുപിടിച്ച്‌ ശ്രീരാമന്‍ സ്കൂളില്‍ കൊണ്ടുപോകുന്ന' തരൂര്‍ ചിത്രം വൈറല്‍
കൊച്ചി: രാമക്ഷേത്ര നിര്‍മാണവുമായി ബന്ധപ്പെട്ട വിവാദങ്ങള്‍ക്കിടെ വൈറല്‍ ചിത്രം പങ്കുവച്ച്‌ ശശി തരൂര്‍ എം.പി. ശ്രീരാമന്‍ പ്രധാനമന്ത്രി നരേന്ദ്ര മോദിയെ ചെവിക്കുപിടിച്ച്‌ സ്കൂളില്‍ കൊണ്ടുപോകുന്ന ചിത്രമാണ് തരൂര്‍ സമൂഹ മാധ്യമങ്ങളില്‍ പങ്കുവച്ചത്.
നേരത്തെ മോദി ശ്രീരാമനെ കൈപിടിച്ച്‌ രാമ ക്ഷേത്രത്തിലേക്ക് കൊണ്ടുപോകുന്ന ചിത്രം സംഘപരിവാര്‍ കേന്ദ്രങ്ങള്‍ വ്യാപകമായി പ്രചരിപ്പിച്ചിരുന്നു. ചിത്രത്തില്‍ രാമനേക്കാള്‍ വലുതായി മോദിയെ ചിത്രീകരിച്ചതില്‍ പ്രതിഷേധം ഉയരുകയും ചെയ്തു. ഇതിന് ബദലായാണ് പുതിയ ചിത്രം വന്നത്.
രാജ്യത്തെ പ്രധാനമന്ത്രി മതപരമായ ചടങ്ങില്‍ മുഖ്യകാര്‍മികനായി പങ്കെടുക്കുന്നതിലെ അസാംഗത്യവും ധാരാളംപേര്‍ ചൂണ്ടിക്കാണിച്ചിരുന്നു. ഇത് ഭരണഘടന തത്വങ്ങള്‍ക്ക് എതിരാണെന്നും ആരോപണമുണ്ട്. തുടര്‍ന്ന് കുട്ടിയെ കൈപിടിച്ച്‌ സ്കൂളിലേക്ക് കൊണ്ടുപോകുന്ന ഭരണഘടന ശില്‍പ്പി ബി.ആര്‍.അംബേദ്കറിെന്‍റ ചിത്രവും ൈവറലായിരുന്നു. തരൂരിന്‍റെ ചിത്രം നിരവധിപേര്‍ ഷെയര്‍ ചെയ്തിട്ടുണ്ട്.
