23 November, 2019 05:25:55 PM
കൊല്ലത്ത് ജലോത്സവത്തിനിടെ പവലിയന്‍ ഇടിഞ്ഞ് അപകടം; വിദേശികള്‍ ഉള്‍പ്പെടെ കാണികളെ ഒഴിപ്പിച്ചു
കൊല്ലം: അഷ്ടമുടിക്കായലില്‍ പ്രസിഡന്‍റ്സ് ട്രോഫി ജലോത്സവത്തിനിടെ പവലിയന്‍ ഇടിഞ്ഞു താഴ്ന്ന് അപകടം. താത്കാലികമായി നിര്‍മിച്ച പവലിയനാണ് ഇടിഞ്ഞു താഴ്ന്നത്. വിദേശികള്‍ ഉള്‍പ്പെടെയുള്ള കാണികളെ സ്ഥലത്തു നിന്ന് ഒഴിപ്പിച്ചു. ആര്‍ക്കും പരിക്കില്ലെന്നാണ് വിവരം. ചുണ്ടൻ വള്ളങ്ങളുടെ ഹീറ്റ്സ് നടന്നുകൊണ്ടിരിക്കയാണ് അപകടം. പവലിയനെ സംബന്ധിച്ച് നേരത്തെ തന്നെ വ്യാപകമായ ആക്ഷേപം ഉണ്ടായിരുന്നു.
