14 September, 2023 04:00:55 PM
ഒറ്റപ്പാലത്ത് റെയിൽവേ സ്റ്റേഷന് സമീപം കേരള എക്സ്പ്രസ്സിന് നേരെ കല്ലേറ്
പാലക്കാട്: ഒറ്റപ്പാലം റെയിൽവേ സ്റ്റേഷന് സമീപം ട്രെയിനിന് നേരെ കല്ലേറ് ഉണ്ടായി. കഴിഞ്ഞ ദിവസം രാത്രി തിരുവനന്തപുരത്ത് നിന്നും ഡല്‍ഹിയിലേക്ക് പോവുകയായിരുന്ന കേരള എക്സ്പ്രസ്സിന് നേരെയായിരുന്നു കല്ലേറ്. കല്ലേറിൽ ബി 3 കോച്ചിന്‍റെ ജനൽ ചില്ലുകളിൽ ഒന്ന് തകർന്നു.
യാത്രക്കാർക്ക് പരുക്കുകളില്ല എന്നത് ആശ്വാസകരമാണ്. സംഭവത്തിൽ റയിൽവേ പോലീസ് അന്വേഷണം ആരംഭിച്ചു.അതേസമയം, സംസ്ഥാനത്ത് ട്രെയിനുകൾക്ക് നേരെയുള്ള കല്ലേറ് ഇത് ആദ്യമായല്ല. ഇതിന് മുൻപും വിവിധ ട്രെയിനുകൾക്ക് നേരെ കല്ലേറ് ഉണ്ടായിട്ടുണ്ട്.
