18 June, 2023 03:22:33 PM
കേസിനെ ചൊല്ലി തർക്കം: അഭിഭാഷകന്‍ സഹപ്രവർത്തകനെ കുത്തിക്കൊല്ലാന്‍ ശ്രമിച്ചു
ചെങ്ങന്നൂർ: ചെങ്ങന്നൂരില്‍ അഭിഭാഷകന്‍ മറ്റൊരു അഭിഭാഷകനെ കുത്തിക്കൊലപ്പെടുത്താന്‍ ശ്രമിച്ചു. രാഹുല്‍ കുമാര്‍ എന്ന അഭിഭാഷകനാണ് കുത്തേറ്റത്. പരിക്കേറ്റ രാഹുലിനെ ആശുപത്രിയിലേക്ക് മാറ്റി. അശോക് അമാന്‍ജി എന്ന അഭിഭാഷകനാണ് ആക്രമണം നടത്തിയത്. ഇരുവരും തമ്മിലുണ്ടായ വാക്കുതര്‍ക്കത്തിനിടെ അശോക് കൈയില്‍ കരുതിയിരുന്ന കത്തി ഉപയോഗിച്ച് കുത്തുകയായിരുന്നു.
അശോകിന്‍റെ വക്കാലത്ത് ഒഴിയുന്ന ആളുകളെ രാഹുലിന്‍റെ ഓഫീസ് ഏറ്റെടുക്കുന്നതിനെചൊല്ലിയായിരുന്നു തര്‍ക്കം. രാഹുലിന്‍റെ ഓഫീസിലെ ചില സ്ത്രീകളോട് അശോക് മോശമായി പെരുമാറിയതിനെ ചൊല്ലിയും വാക്കേറ്റമുണ്ടായെന്നാണ് വിവരം. ശനിയാഴ്ച രാത്രി നടന്ന സംഭവത്തില്‍ ഇതുവരെ കേസ് രജിസ്റ്റര്‍ ചെയ്തിട്ടില്ല.
