30 September, 2023 10:00:13 AM
ആലപ്പുഴയിൽ കടലിൽ കാണാതായ യുവാവിന്റെ മൃതദേഹം കണ്ടെത്തി
ആലപ്പുഴ: മാരാരിക്കുളം കാട്ടൂരിൽ മൽസ്യബന്ധനത്തിനിടെ കടലിൽ വീണ് കാണാതായ യുവാവിന്റെ മൃതദേഹം കണ്ടെത്തി. കാട്ടൂർ വാഴക്കൂട്ടത്തിൽ ജിബിൻ(30) ആണ് മരിച്ചത്.
കടലിൽ അർത്തുങ്കൽ പള്ളിത്തോടിന് പടിഞ്ഞാറ് ഭാഗത്ത് നിന്ന് മത്സ്യത്തൊഴിലാളികളാണ് മൃതദേഹം കണ്ടെത്തിയത്. മത്സ്യബന്ധനത്തിനിടെ തിങ്കളാഴ്ച പുലർച്ചെയാണ് ജിബിനെ കടലിൽ വീണ് കാണാതായത്.
