21 March, 2023 10:41:35 AM
മാന്നാറിൽ സ്വകാര്യബസിൽ നിന്ന് തെറിച്ചുവീണ വിദ്യാർത്ഥിക്ക് ഗുരുതര പരിക്ക്
പത്തനംതിട്ട: മാന്നാറിൽ സ്വകാര്യബസിൽ നിന്ന് തെറിച്ചുവീണ വിദ്യാർത്ഥിക്ക് ഗുരുതര പരിക്കേറ്റു. മാന്നാർ ഇരമത്തൂർ പരുവതറയിൽ സദാനന്ദന്‍റെ മകൻ മണികണ്ഠനാണ് പരിക്കേറ്റത്. തിങ്കളാഴ്ച ഉച്ചയ്ക്ക് മാന്നാർ കോയിക്കൽ ജംഗ്ഷനിൽ ആണ് സംഭവം നടന്നത്.
എസ്എസ്എൽസി പരീക്ഷ കഴിഞ്ഞ് ബസിൽ വീട്ടിലേക്കു പോകുന്നതിനിടെയാണ് അപകടം നടന്നത്. തലയ്ക്ക് ഗുരുതര പരിക്കേറ്റ മണികണ്ഠൻ പരുമല ആശുപത്രിയിൽ ശസ്ത്രക്രിയയ്ക്കുശേഷം തീവ്ര പരിചരണ വിഭാഗത്തിൽ ചികിത്സയിലാണ്.
