26 August, 2022 09:01:12 AM
യുവാവിനെ കൊന്ന് പുഴയിൽ കെട്ടി താഴ്ത്തിയെന്ന് മൊഴി; പരിശോധന തുടങ്ങി
പാലക്കാട്: ചിറ്റൂർ പട്ടഞ്ചേരിയിൽ യുവാവിനെ കൊന്ന് പുഴയിൽ കെട്ടിത്താഴ്ത്തിയെന്ന മൊഴിയിൽ പോലീസ് പരിശോധന ആരംഭിച്ചു. മൊഴി നൽകിയ സുഹൃത്തുമായി പോലീസ് സംഘം സ്ഥലത്ത് പരിശോധന തുടങ്ങി. ചിറ്റൂര്‍ തത്തമംഗലം സ്വദേശി പരേതനായ സുരേഷിന്‍റെ മകന്‍ സുവീഷ് (21) ആണ് കൊല്ലപ്പെട്ടത്. സുവീഷിനെ കൊന്ന് പുഴയിൽ കെട്ടിത്താഴ്ത്തി എന്നാണ് സുഹൃത്തുക്കളുടെ മൊഴി.
ജൂലൈ 19 മുതലാണ് തത്തമംഗലം സ്വദേശിയായ സുവീഷിനെ കാണാതാകുന്നത്. ഇയാളുടെ സുഹൃത്തുക്കള്‍ അപായപ്പെടുത്തിയതാണെന്ന സംശയത്തില്‍ സുവീഷിന്‍റെ അമ്മ നൽകിയ പരാതിയിൽ അന്വേഷണം നടക്കുകയായിരുന്നു. മൃതദേഹത്തിനായി അൽപ സമയത്തിനകം പുഴയിൽ തെരച്ചിൽ തുടങ്ങും. ലഹരി ഇടപാടിനെച്ചൊല്ലിയുള്ള തർക്കമാണ് കൊലയ്ക്കു കാരണമെന്നാണ് കരുതുന്നത്.
