04 January, 2016 02:45:59 PM
കൃഷിയിടത്തിലെ കിണറ്റില്‍ പുള്ളിപ്പുലിയുടെ ജഡം
കണ്ണൂര്‍: കേളകം വെള്ളൂന്നിക്ക് സമീപം മാങ്കുളത്ത് സ്വകാര്യവ്യക്തിയുടെ കൃഷിയിടത്തിലെ കിണറ്റില്‍ പുള്ളിപ്പുലിയുടെ ദിവസങ്ങളോളം പഴക്കമുള്ള ജഡം കണ്ടത്തെി. പ്രായംചെന്ന ആണ്‍ പുള്ളിപ്പുലിയുടെ ജഡം വെള്ളിയാഴ്ച ഉച്ചയോടെയാണ് മാങ്കുളത്തെ മണിയന്‍കുളം സുദര്‍ശന്‍െറ കൃഷിയിടത്തിലെ കിണറ്റില്‍ കണ്ടത്തെിയത്.
മേല്‍ഭാഗം പച്ചവല കൊണ്ട് മൂടിയ കിണറ്റില്‍ പുള്ളിപ്പുലി ഇരയെ ഓടിക്കുന്നതിനിടെ വീണതാണെന്നാണ് വനംവകുപ്പിന്‍െറ നിഗമനം.മേഖലയില്‍ വളര്‍ത്തുമൃഗങ്ങള്‍ അപ്രത്യക്ഷമാകാറുള്ളതായി കര്‍ഷകര്‍ പറയുന്നു. ആനകള്‍ വിഹരിക്കുന്ന പ്രദേശം കാട്ടുമൃഗങ്ങളുടെ വിഹാരകേന്ദ്രമാണ്.
സംഭവമറിഞ്ഞ് വനംവകുപ്പിന്‍െറ റാപ്പിഡ് റെസ്പോണ്‍സ് വിഭാഗവും സ്ഥലത്തത്തെി.സെക്ഷന്‍ ഫോറസ്റ്റര്‍ സുരേഷ്, ബീറ്റ് ഫോറസ്റ്റ് ഓഫിസര്‍മാരായ സുനില്‍കുമാര്‍, ഷൈജു തുടങ്ങി വനം ഉദ്യോഗസ്ഥരുടെ നേതൃത്വത്തില്‍ നാട്ടുകാരുടെ സഹായത്തോടെയാണ് ആഴമേറിയ കിണറ്റില്‍നിന്ന് വടംകെട്ടി പുള്ളിപ്പുലിയുടെ ജഡം പുറത്തെടുത്ത് പോസ്റ്റ്മോര്‍ട്ടത്തിനത്തെിച്ചത്.
