04 October, 2023 05:13:21 PM


കണ്ണൂരില്‍ ബൈക്കും സ്കൂട്ടറും കൂട്ടിയിടിച്ച് അപകടം; ആറു വയസ്സുകാരിക്ക് ദാരുണാന്ത്യം



കണ്ണൂർ: ബൈക്കും സ്കൂട്ടറും കൂട്ടിയിടിച്ചുണ്ടായ അപകടത്തിൽ ആറു വയസ്സുകാരിക്ക് ദാരുണാന്ത്യം. കണ്ണൂർ പാപ്പിനിശ്ശേരി കെഎസ്ടിപി റോഡ് കെ.കണ്ണപുരത്തിന് സമീപമാണ് രാവിലെ 9 മണിയോടെ അപകടമുണ്ടായത്.

സ്കൂട്ടർ യാത്രികയായ കെ.കണ്ണപുരത്തെ ഷഹ ഷിറാസ് ആണ് മരിച്ചത്. പാപ്പിനിശേരി ഹിദായത്ത് ഇംഗ്ലീഷ് മീഡിയം സ്കൂളിലെ വിദ്യാർഥിനിയാണ്. മദ്രസയിൽ നിന്നും വീട്ടിലേക്ക് അമ്മയുടെ കൂടെ സ്കൂട്ടറിൽ വരുന്നതിനിടെയാണ് അപകടം. പരിക്കേറ്റ രണ്ടു പേരെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.


Share this News Now:
  • Mail
  • Whatsapp whatsapp
Like(s): 2.6K