11 June, 2022 02:53:18 PM
കുട്ടനാട്ടിൽ ഹൗസ്ബോ‌ട്ട് മുങ്ങി ജീവനക്കാരന്‍ മരിച്ചു; മൃതദേഹം ബോട്ടിൽ കുടുങ്ങിയ നിലയിൽ
ആലപ്പുഴ: കുട്ടനാട്ടിൽ ഹൗസ്ബോ‌ട്ട് മുങ്ങി ജീവനക്കാരന്‍ മരിച്ചു. പള്ളാതുരുത്തി സ്വദേശി പ്രസന്നനാണ് മരിച്ചത്. മുങ്ങിയ ബോട്ടിനുള്ളിൽ കുടുങ്ങിയ നിലയിലായിരുന്നു പ്രസന്നന്‍റെ മൃതദേഹം. കാർത്തിക എന്ന ഹൗസ് ബോട്ടാണ് ഇന്ന് രാവിലെ പത്തോടെ കന്നിട്ട ജെട്ടിക്ക് സമീപം മുങ്ങിയത്. വെള്ളിയാഴ്ച രാത്രി മൂന്ന് തമിഴ്നാട് സ്വദേശികളുമായി യാത്ര തിരിച്ച ബോട്ട് ഇന്ന് പുലർച്ചെ നാലരയ്ക്കാണ് ജെട്ടിയിലെത്തിയത്.
യാത്രക്കാർ ഇറങ്ങിയതിനുപിന്നാലെ ബോട്ട് ഭാഗികമായി മുങ്ങിയിരുന്നതായി ജീവനക്കാർ പറഞ്ഞു. ഇന്ന് രാവിലെ പത്തിന് യാത്രക്കാരുടെ ലഗേജ് എടുക്കാനായി ഭാഗികമായി മുങ്ങിയ ബോട്ടിൽ പ്രസന്നൻ കയറിയതിനു പിന്നാലെ ബോട്ട് പൂർണമായി മുങ്ങുകയായിരുന്നു.
