11 April, 2022 11:11:46 AM
പന്നിയങ്കരയിലെ ടോൾപ്ലാസ ബാരിക്കേഡ് തകർക്കൽ; 29 ബസുകൾക്കെതിരെ നടപടി
വടക്കഞ്ചേരി : പന്നിയങ്കരയിൽ ടോൾപ്ലാസ ബാരിക്കേഡ് തകർത്ത് പോയ സ്വകാര്യ ബസുകൾക്കെതിരെ നടപടി. 29 സ്വകാര്യ ബസുകള്‍ക്കെതിരെയാണ് നടപടിയെടുത്തത്. ബസ് ഡ്രൈവര്‍മാരെ ഒന്നാം പ്രതികളാക്കി വടക്കഞ്ചേരി പോലീസ് കേസെടുത്തു. കഴിഞ്ഞ ദിവസമാണ് ടോൾപ്ലാസ ബാരിക്കേഡ് തകർത്ത് സ്വകാര്യബസുകൾ കടന്നുപോയത്. ബാരിക്കേഡ് തകർത്ത് ബസുകൾ പോയതിന് പിന്നാലെ കരാർ കമ്പനി അധികൃതർ നൽകിയ പരാതിയെത്തുടർന്നായിരുന്നു നടപടി.
അതേസമയം, പന്നിയങ്കരയിലെ ടോൾ നിരക്ക് കുറയ്ക്കാത്തതിൽ പ്രതിഷേധിച്ച് സ്വകാര്യബസുകൾ ടോൾ കേന്ദ്രത്തിന്റെ ഇരുഭാഗങ്ങളിൽനിന്ന് സർവീസ് നടത്തുവാനാരംഭിച്ചു. യാത്രക്കാർ ടോൾ കേന്ദ്രത്തിലിറങ്ങി മറുവശം കടന്ന് അടുത്ത ബസിൽ കയറി യാത്ര തുടരണം. നിരവധി യാത്രക്കാർ ടോൾ കേന്ദ്രത്തിന്റെ ഇരു വശങ്ങളിലും കുടുങ്ങി കിടക്കുകയാണ്.
