16 February, 2022 09:09:38 AM
പാലക്കാട് ധോണിയിൽ വീണ്ടും പുലിയിറങ്ങി; വൈകാതെ കെണിയിലാകുമെന്ന് വനം വകുപ്പ്
പാലക്കാട്: പാലക്കാട് ധോണിയിൽ വീണ്ടും പുലിയിറങ്ങി. മേലേ ധോണിയിലുള്ള പുത്തൻകാട്ടിൽ സുധയുടെ വീട്ടിലാണ് ഇന്ന് പുലർച്ചെ രണ്ടോടെ പുലിയെത്തിയത്. നായയെ പുലി ആക്രമിച്ചതായി സുധ പറഞ്ഞു. ധോണിയിൽ കഴിഞ്ഞ ദിവസവും പുലി‍യിറങ്ങിയിരുന്നു.
കുറ്റിക്കാടുകളില്‍ പരിശോധന ആരംഭിച്ചെങ്കിലും പുലിയെ കണ്ടെത്താന്‍ സാധിച്ചിരുന്നില്ല. മൃഗങ്ങളെ ആക്രമിക്കുന്ന പുലി ഏതെങ്കിലും സാഹചര്യത്തിൽ നാട്ടുകാരുടെ നേർക്ക് തിരിയുമോ എന്നതാണ് ജനങ്ങളുടെ ആശങ്ക. പുലി അധികം വൈകാതെ കെണിയിലാകുമെന്ന് മാത്രമാണ് വനം വകുപ്പിന്‍റെ പ്രതികരണം.
