13 February, 2022 11:49:42 PM
മലമ്പുഴ ചെറാട് കുർമ്പാച്ചി മലമുകളിൽ വീണ്ടും ആളുകൾ; വനംവകുപ്പ് അന്വേഷണം തുടങ്ങി
പാലക്കാട്: ബാബുവിനെ അതിസാഹസികമായി രക്ഷിച്ചെടുത്തതിന്‍റെ ചൂടാറും മുൻപ് ജില്ലയിൽ വീണ്ടും അനധികൃത മലകയറ്റം. ചേറാട് മലയുടെ മുകളിൽ വീണ്ടും ആളുകളുടെ സാന്നിദ്ധ്യം കണ്ടെത്തി. രാത്രിയിൽ മലമുകളിൽനിന്ന് ഫ്ലാഷ് ലൈറ്റുകൾ തെളിയുന്നതായി നാട്ടുകാർ അറിയിച്ചു. രണ്ട് പേരാണ് മലയുടെ മുകളിൽ ഉള്ളതെന്നാണ് കരുതുന്നത്.
മലയുടെ മുകൾ ഭാഗത്ത് നിന്ന് തെളിയുന്നത് ശ്രദ്ധയിൽപെട്ടതോടെ വനംവകുപ്പ് ഉദ്യോഗസ്ഥർ തിരച്ചിൽ തുടങ്ങി. ലൈറ്റുകൾ തെളിയുന്നത് മൊബൈൽ ലൈറ്റ് അല്ലെന്ന് വ്യക്തമാണെന്ന് വനം വകുപ്പ്. ഒരാളാണോ രണ്ട് പേരാണോ എന്ന് വ്യക്തമല്ല. ഒന്നിൽകൂടുതൽ പേരുണ്ടെന്നാണ് അനുമാനം. മലയുടെ താഴ്ഭാഗത്ത് ജനങ്ങളും കൂട്ടം കൂടുന്നു.
