16 January, 2022 04:24:48 PM
മലമ്പുഴയിലെ ആശുപത്രി മാലിന്യ സംസ്കരണ കേന്ദ്രത്തിൽ തീപിടിത്തം
പാലക്കാട്: മലമ്പുഴയിലെ ആശുപത്രി മാലിന്യ സംസ്കരണ കേന്ദ്രത്തിൽ തീപിടിത്തം. ഇന്ത്യൻ മെഡിക്കൽ അസോസിയേഷന്‍റെ നിയന്ത്രണത്തിലുള്ള മാലിന്യ സംസ്കരണ കേന്ദ്രമായ ഇമേജിലാണ് തീ പിടിത്തം ഉണ്ടായത്. അഗ്നിശമന സേനയുടെ നേതൃത്വത്തിൽ തീയണക്കാൻ ശ്രമം തുടരുകയാണ്.
പാലക്കാട് ജില്ലയിലെ കൂടുതൽ ഫയർ ഫോഴ്‌സ് യൂണിറ്റുകൾ സ്ഥലത്തെത്തിയിട്ടുണ്ട്. തീ പിടിത്തിന് കാരണം മാലിന്യ സംസ്കാരണ പ്ലാന്‍റിന്‍റെ ഭാഗത്തുണ്ടായ വീഴ്ച്ചയാണെന്ന് മലമ്പുഴ, പാലക്കാട് എംഎൽഎമാർ കുറ്റപ്പെടുത്തി. സംസ്കരിക്കാവുന്നതിലധികം മാലിന്യങ്ങൾ പ്ലാന്‍റിൽ ഉണ്ടായിരുന്നുവെന്നും ഇതാണ് വലിയ തീ പിടുത്തത്തിലേക്ക് നയിച്ചതെന്നും അവർ കുറ്റപ്പെടുത്തി.
