01 January, 2022 11:38:21 AM
കണ്ണൂർ പാപ്പിനിശ്ശേരിയിൽ ലോറി ഓട്ടോയിലിടിച്ച് രണ്ട് ഓട്ടോ യാത്രക്കാർ മരിച്ചു
കണ്ണൂർ: പാപ്പിനിശ്ശേരിയിൽ ലോറിയിടിച്ച് രണ്ട് ഓട്ടോ യാത്രക്കാർ മരിച്ചു. ഓട്ടോ യാത്രക്കാരായ അശ്വന്ത് (25) അമല്‍ജിത്ത് എന്നിവരാണ് മരിച്ചത്. ശനിയാഴ്ച രാവിലെ 6.45ഓടെയായിരുന്നു അപകടം. കണ്ണൂരില്‍നിന്നും തളിപ്പറമ്ബ് ഭാഗത്തേക്ക് പോകുന്ന ലോറിയും കണ്ണൂരിലേക്ക് പോകുന്ന ഓട്ടോയുമാണ് അപകടത്തില്‍പെട്ടത്.
ഓടിക്കൂടിയ നാട്ടുകാര്‍ ആമ്ബുലന്‍സ് വിളിച്ചു വരുത്തിയാണ് ഇവരെ കണ്ണൂരിലെ ആശുപത്രിയിലെത്തിച്ചത്. വളപട്ടണം പൊലീസ് സ്ഥലത്തെത്തി. ലോറി ഡ്രൈവറെ കസ്റ്റഡിയിലെടുത്തു.
