23 November, 2021 01:54:20 PM
കണ്ണൂരിൽ ഓടിക്കൊണ്ടിരുന്ന ലോറിക്ക് തീപിടിച്ചു: ഡ്രൈവർ പുറത്തേക്ക് ചാടി രക്ഷപെട്ടു
കണ്ണൂർ: കണ്ണോത്തുംചാലിൽ ഓടിക്കൊണ്ടിരുന്ന ലോറിക്ക് തീപിടിച്ചു. കോഴിക്കോട് നിന്ന് കണ്ണൂരിലേക്ക് ഫാൻസി സാധനങ്ങൾ കയറ്റിവരികയായിരുന്ന കർണാടക രജിസ്ട്രേഷൻ ലോറിക്കാണ് തീപിടിച്ചത്. സംഭവത്തിൽ ആളപായമുണ്ടായിട്ടില്ല. പുലർച്ചെ 2.30 ഓടെയായിരുന്നു സംഭവം. ഓടികൊണ്ടിരുന്ന ലോറിയുടെ മുൻഭാഗത്ത് നിന്ന് തീപടരുകയായിരുന്നു.
ഉടൻ വാഹനം നിർത്തി ഡ്രൈവർ പുറത്തേക്ക് ചാടി. ലോറി ഭാഗികമായും സാധനങ്ങൾ പൂർണമായും നശിച്ചു. കണ്ണൂരിൽ നിന്നുള്ള അഗ്നിരക്ഷാസേനയും പോലീസുമെത്തിയാണ് തീയണച്ചത്. സംഭവത്തെ തുടർന്ന് ഗതാഗത തടസമുണ്ടായി. ലോറിയിലുണ്ടായ ചൈനീസ് പടക്കങ്ങൾ പൊട്ടിയതാണ് അപകടത്തിന് കാരണമെന്നാണ് ഡ്രൈവറുടെ മൊഴി.
