29 May, 2021 08:34:02 AM
ആലപ്പുഴ കരീലക്കുളങ്ങരയിൽ ലോറിയും കാറും കൂട്ടിയിടിച്ച് നാല് മരണം: നാല് പേർക്ക് പരിക്ക്
ആലപ്പുഴ: ദേശീയ പാതയിൽ കരീലക്കുളങ്ങരയിൽ ലോറിയും കാറും കൂട്ടിയിടിച്ച് നാല് മരണം. ആയിഷ ഫാത്തിമ (25), ബിലാൽ (5), ഉണ്ണിക്കുട്ടൻ (20), റിയാസ് (27) എന്നിവരാണ് മരിച്ചത്. മരിച്ച നാല് പേരും കായംകുളം സ്വദേശികളാണ്. ആറ് പേർക്ക് പരിക്കുണ്ട്. കാറിലുണ്ടായിരുന്ന അജ്മി, അൻഷാദ് എന്നിവർക്കും പരിക്കേറ്റു.
പുലർച്ചെ നാലിന് കരീലക്കുളങ്ങര പോലീസ് സ്റ്റേഷന് സമീപമാണ് അപകടം സംഭവിച്ചത്. കാറിലുണ്ടായിരുന്ന മൂന്നു പേർ അപ്പോൾ തന്നെ മരിച്ചു. ഒരാൾ ആശുപത്രിയിലെത്തിച്ച ശേഷവും. കാറിൽ ആറ് പേർ ഉണ്ടായിരുന്നു. ലോറിയിൽ ഉണ്ടായിരുന്ന രണ്ട് പേർക്കും പരിക്കുണ്ട്. രണ്ട് പേരുടെ നില ഗുരുതരമാണ്.
