21 March, 2021 06:22:45 PM
യുഡിഎഫ് തോറ്റാല്‍ കേരളത്തില്‍ മൂന്നാമതൊരു ശക്തി ഉയര്‍ന്നു വരും - കെ. സുധാകരന്‍
കണ്ണൂര്‍: അഞ്ച് വര്‍ഷം എല്‍ഡിഎഫ് അഞ്ച് വര്‍ഷം യുഡിഎഫ് എന്ന സാഹചര്യമല്ല കേരളത്തിലുള്ളതെന്ന് കോണ്‍ഗ്രസ് നേതാവും എംപിയുമായ കെ. സുധാകരന്‍. യുഡിഎഫ് തോറ്റാല്‍ മൂന്നാമതൊരു ശക്തി ഉയര്‍ന്നു വരും. പ്രവര്‍ത്തിക്കുക അല്ലെങ്കില്‍ മരിക്കുക എന്നതാണ് കേരളത്തിലെ സാഹചര്യമെന്നും അദ്ദേഹം പറഞ്ഞു.
യുഡിഎഫ് അധികാരത്തിലെത്തിയാല്‍ മുഖ്യമന്ത്രി പിണറായി വിജയന് കല്‍ത്തുറുങ്ക് ഉറപ്പാണ്. ഇരിക്കൂറിലെ തെരഞ്ഞെടുപ്പ് യോഗത്തില്‍ സംസാരിക്കുകയായിരുന്നു അദ്ദേഹം. സ്വപ്ന സുരേഷിനെ മുഖ്യമന്ത്രി നാല് വര്‍ഷം കൊണ്ടുനടന്നു, പിന്നീട് ഐടി കോര്‍ഡിനേറ്ററാക്കി, ഒരേ ഹോട്ടലില്‍ താമസിപ്പിച്ചു എന്നിട്ടും അറിയില്ലെന്നാണ് മുഖ്യമന്ത്രി പറയുന്നത്. തീരദേശ മത്സ്യബന്ധന കരാര്‍ ഇല്ലെന്ന് മുഖ്യമന്ത്രി പറഞ്ഞു. പിന്നെ എങ്ങനെയാണ് അത് റദ്ദാക്കിയതെന്നും സുധാകരന്‍ ചോദിച്ചു.
