10 August, 2020 08:57:26 AM
കായംകുളത്ത് കാർ സ്‌കൂട്ടറുമായി കൂട്ടിയിടിച്ച് രണ്ടു യുവാക്കൾ മരിച്ചു
കായംകുളം: കായംകുളം -പുനലൂർ കെ പി റോഡിൽ ഇന്നോവകാർ സ്‌കൂട്ടറുമായി കൂട്ടിയിടിച്ചുണ്ടായ അപകടത്തിൽ രണ്ടു യുവാക്കൾ മരിച്ചു. കറ്റാനം കട്ടച്ചിറ കുറ്റിലേത്ത് അച്ചൻകുഞ്ഞിന്‍റെ മകൻ അജി (20) തമിഴ്നാട് തേനി സ്വദേശി കറുപ്പയ്യ (സൂര്യ -24 ) എന്നിവരാണ് മരിച്ചത്.
ഇരുവരും കറ്റാനം മൂന്നാംകുറ്റിക്ക് സമീപത്തെ കാട്ടൂർ സൂപ്പർ മാർക്കറ്റിലെ ജീവനക്കാരായിരുന്നു. ഞായറാഴ്ച വൈകുന്നേരം 5 .45 ന് കെ പി റോഡിൽ കോയിക്കൽ ചന്തയ്ക്ക് സമീപത്തായിരുന്നു അപകടം. അജിയും സൂര്യയും ഗോഡൗണിൽ സാധനങ്ങൾ ഇറക്കിയശേഷം തിരികെ സ്കൂട്ടറിൽ സൂപ്പർമാർക്കറ്റിലേക്ക് വരുകയായിരുന്നു. അജിയുടെ മാതാവ്: മിനി. സഹോദരൻ: അജു.
