18 June, 2020 02:08:49 AM
14 വയസുകാരന് കോവിഡ്: ഉറവിടമറിയില്ല; കണ്ണൂർ നഗരം അടയ്ക്കാൻ ഉത്തരവ്
കണ്ണൂർ: കണ്ണൂർ നഗരത്തിലെ മുഴുവൻ കടകന്പോളങ്ങളും വ്യാഴാഴ്ച മുതൽ പൂർണമായി അടച്ചിടാൻ ജില്ലാ കളക്ടറുടെ ഉത്തരവ്. കോർപറേഷനിലെ 51, 52, 53 ഡിവിഷനുകൾ ഉൾപ്പെടുന്ന ടൗണ്‍, പയ്യാമ്പലം ഭാഗങ്ങൾ അടച്ചിടാനാണ് ഉത്തരവിട്ടതെന്നു ജില്ലാ കളക്ടർ അറിയിച്ചു.
കോർപ്പറേഷൻ പരിധിയിൽ താമസിച്ചിരുന്ന 14 വയസുകാരന് കോവിഡ് സ്ഥിരീകരിച്ച സാഹചര്യത്തിലാണ് നടപടി. വിദ്യാർഥിക്കു രോഗം ആരിൽ നിന്നാണ് രോഗം പകർന്നതെന്ന് വ്യക്തമല്ല. നിയന്ത്രണങ്ങൾ സംബന്ധിച്ച് വ്യാഴാഴ്ച കോർപറേഷൻ സെക്രട്ടറിയും ജില്ലാ പോലീസ് മേധാവിയും നിർദേശങ്ങൾ നൽകിയ ശേഷം ഉച്ചയ്ക്ക് രണ്ടു മുതലായിരിക്കും നിയന്ത്രണം നിലവിൽ വരിക.
കണ്ണൂരിൽ ബുധനാഴ്ച നാലു പേർക്കാണ് കോവിഡ് സ്ഥിരീകരിച്ചത്. രണ്ടു പേർ വിദേശത്തുനിന്നും ഒരാൾ മുംബൈയിൽനിന്നും എത്തിയവരാണ്. ഒരാൾക്ക് സന്പർക്കത്തിലൂടെയാണ് രോഗം പകർന്നത്.
