01 June, 2020 01:15:55 AM
അച്ചൻകോവിലാറ്റിൽ കുളിക്കാനിറങ്ങിയ രണ്ട് യുവാക്കൾ മുങ്ങി മരിച്ചു
ആലപ്പുഴ: അച്ചൻകോവിലാറ്റിൽ കുളിക്കാനിറങ്ങിയ യുവാക്കൾ മുങ്ങി മരിച്ചു. കായംകുളം ചേരാവള്ളി സ്വദേശികളായ മുഹമ്മദ് അനസ് (28), ജിബിൻ തങ്കച്ചൻ (28) എന്നിവരാണ് മരിച്ചത്. ഞായറാഴ്ച വൈകുന്നേരം നാലു മണിയോടെയായിരുന്നു അപകടം. ചൂണ്ടയിടുന്നതിനായി എത്തിയ നാലംഗ സംഘത്തിലുണ്ടായിരുന്ന, അനസും, ജിബിനും കുളിക്കാനിറങ്ങിയപ്പോൾ ആറ്റിൽ മുങ്ങിപ്പോവുകയായിരുന്നു. ഉടൻ രക്ഷാപ്രവർത്തനം നടത്തിയെങ്കിലും മരിച്ചിരുന്നു
