17 April, 2020 10:37:48 PM
നെടുമുടിയില്‍ വള്ളം മറിഞ്ഞ് റേഷന്‍ കടകളിലേക്ക് കൊണ്ടുപോയ 7500 കിലോ അരി നനഞ്ഞു
ആലപ്പുഴ: തകഴിയിലെ ഗോഡൗണില്‍ നിന്ന് കൈനകരിയിലെ റേഷന്‍ കടകളിലേക്ക് അരിയുമായി പോയ വള്ളം മുങ്ങി. വള്ളത്തില്‍ ഉണ്ടായിരുന്ന 7,500 കിലോയോളം അരി നനഞ്ഞുപോയി. 15,000 കിലോ അരിയാണ് വള്ളത്തിലുണ്ടായിരുന്നത്. നെടുമുടി പഞ്ചായത്ത് ഓഫീസിന് സമീപത്തുള്ള മണപ്ര പാലത്തിനു താഴെവച്ചാണ് വള്ളം മുങ്ങിയത്. പാലം നിർമ്മിച്ചപ്പോൾ സ്ഥാപിച്ച മുട്ടിൽ വള്ളം ഇടിച്ചാണ് അപകടമുണ്ടായത്. വിവരമറിഞ്ഞ് സപ്ലൈകോ ഓഫീസിലെജീവനക്കാർ സ്ഥലത്തെത്തി.
