14 November, 2019 10:11:27 PM
ട്രാക്ക് നവീകരണം: ആലപ്പുഴ വഴിയുള്ള മൂന്ന് ട്രയിനുകള്‍ കോട്ടയം വഴി തിരിച്ചുവിടും
തിരുവനന്തപുരം: ചേര്‍ത്തല, തുറവൂര്‍ സെക്ഷനിലെ ട്രാക്ക് നവീകരണ അറ്റകുറ്റപ്പണികളുമായി ബന്ധപ്പെട്ട് എറണാകുളം - കായംകുളം റൂട്ടിലെ ആലപ്പുഴ വഴിയുള്ള മൂന്നു ട്രെയിനുകള്‍ കോട്ടയം വഴി തിരിച്ചു വിടും. മംഗലാപുരം - തിരുവനന്തപുരം മാവേലി എക്സ്പ്രസ് (16603), ഹസ്രത്ത് നിസാമുദീന്‍ - തിരുവനന്തപുരം രാജധാനി എക്സ്പ്രസ് (12432), എംജിആര്‍ ചെന്നെെ സെന്‍ട്രല്‍ - തിരുവനന്തപുരം എസി സൂപ്പര്‍ ഫാസ്റ്റ് (22207) എന്നിവയാണു കോട്ടയം വഴി തിരിച്ചു വിടുന്നത്. ചെന്നൈ എസി സൂപ്പര്‍ ഫാസ്റ്റ് ട്രയിന്‍ എറണാകുളം ടൗണ്‍, കോട്ടയം, ചെങ്ങന്നൂര്‍, കായംകുളം എന്നിവിടങ്ങളില്‍ നിര്‍ത്തും. ചെന്നൈ എഗ്മൂര്‍ - ഗുരുവായൂര്‍ എക്സ്പ്രസ് (16127) ഒരു മണിക്കൂര്‍ 50 മിനിറ്റ് ചേര്‍ത്തലയില്‍ പിടിച്ചിടും.
