24 June, 2017 07:19:06 PM
പ്ലസ് വണ്‍ ക്ലാസുകള്‍ വ്യാഴാഴ്ച ആരംഭിക്കു൦; രണ്ടാം അലോട്ട്മെന്റ് ചൊവ്വാഴ്ച
തിരുവനന്തപുരം: പ്ലസ്‌വണ്‍ രണ്ടാമത്തെ അലോട്ട്മെന്റ് ചൊവ്വാഴ്ച രാവിലെ 10 ന്. www.hscap.kerala.gov.in എന്ന വെബ്സൈറ്റിൽ വിശദാംശങ്ങള്‍ ലഭിക്കും. രണ്ടാമത്തെ ലിസ്റ്റ് പ്രകാരമുളള പ്രവേശനം ചൊവ്വ, ബുധൻ ദിവസങ്ങളിലായിരിക്കും. അലോട്ട്മെന്റ് ലഭിച്ച എല്ലാ വിദ്യാർഥികളും അതത് സ്‌കൂളുകളില്‍ ഫീസടച്ച് ബുധനാഴ്ച വൈകുന്നേരം അഞ്ചിന് മുമ്പ് പ്രവേശനം നേടണം.
പ്ലസ് വണ്‍ ക്ലാസുകള്‍ വ്യാഴാഴ്ച ആരംഭിക്കുമെന്ന് ഹയര്‍സെക്കൻഡറി ഡയറക്ടര്‍ അറിയിച്ചു. ജൂലൈ ആറ് മുതല്‍ സപ്ലിമെന്‍ററി അലോട്ട്മെന്റിന് അപേക്ഷിക്കാം. ഇതുവരെ അലോട്ട്മെന്റ് ലഭിച്ചിട്ടില്ലാത്തവര്‍ നിലവിലുളള അപേക്ഷ പുതുക്കി പുതിയ ഓപ്ഷനുകള്‍ കൂട്ടിച്ചേര്‍ത്ത് സപ്ലിമെന്‍ററി അലോട്ട്മെന്റിന് അപേക്ഷിക്കണം.
