14 September, 2023 10:38:11 AM
കുടുംബവഴക്ക്; മകന്‍റെ കുടുംബത്തെ തീ കൊളുത്തി പിതാവ്
തൃശൂർ: മകന്‍റെ കുടുംബത്തെ പെട്രോൾ ഒഴിച്ച് തീ കൊളുത്തി കൊലപ്പെടുത്താൻ ശ്രമിച്ചു. തൃശൂർ ചിറക്കക്കോടാണ് ഇന്ന് അർധരാത്രിയോടെയായിരുന്നു സംഭവം. ജോജി (38), ഭാര്യ ലിജി (32), മകന്‍ ടെണ്ടുല്‍ക്കര്‍ (12) എന്നിവര്‍ക്കാണ് പൊള്ളലേറ്റത്.
കുടുംബ വഴക്കിനെ തുടർന്നാണ് ജോജിയുടെ പിതാവ് ജോൺസണാണ് തീകൊളുത്തിയതെന്ന് പൊലീസ് പറഞ്ഞു. തീ കൊളുത്തിയ ശേഷം പിതാവ് ജോൺസണെ വിഷം കഴിച്ച നിലയിൽ കണ്ടെത്തി.
ഗുരുതരമായി പൊള്ളലേറ്റ മൂന്നുപേരെയും കൊച്ചിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇതിൽ ജോജിയുടെയും ഭാര്യയുടെയും നില ഗുരുതരമാണ്. പിതാവ് ജോൺസണും തൃശ്ശൂരിലെ സ്വകാര്യ ആശുപത്രിയിൽ ചികിത്സയിലാണ്. സെക്യൂരിറ്റി ജീവനക്കാരനാണ് ജോണ്‍സന്‍. ലോറി ഡ്രൈവറാണ് മകന്‍ ജോജി.
