08 August, 2016 10:51:51 AM
ചരിത്ര നേട്ടത്തോടെ ദീപ കര്‍മാക്കര്‍ ജിംനാസ്റ്റിക്സ് ഫൈനലിലേക്ക്
റിയോ ഡി ജനീറോ : ഇന്ത്യന്‍ താരം ദീപ കര്‍മാക്കര്‍ ചരിത്ര നേട്ടം കുറിച്ചുകൊണ്ട് ജിംനാസ്റ്റിക്സ് ഫൈനലില്‍ കടന്നു. ഫൈനലില്‍ കടക്കുന്ന ആദ്യ ഇന്ത്യന്‍ വനിതയാണ് ദീപ. ഇന്നലെ രാത്രി ആരംഭിച്ച യോഗ്യത റൗണ്ട് മല്‍സരങ്ങളില്‍ അവസാന യോഗ്യത മാര്‍ക്കായ 8-ാം സ്ഥാനത്തോടെയാണ് ദീപ ചരിത്രത്തില്‍ സ്ഥാനം പിടിച്ചത്. ജിംനാസ്റ്റിക്കിലെ അൺ ഇൗവൻ ബാർസ് വിഭാഗത്തിലാണ് നേട്ടം. ആദ്യ മൂന്ന് ഡിവിഷനുകൾ അവസാനിക്കുേമ്പാൾ വോൾട്ട് ഇനത്തിൽ ആറാം സ്ഥാനത്തായിരുന്ന ദീപ, നാലാം ഡിവിഷനിൽ എഴാം സ്ഥാനത്തേക്ക് പിന്തള്ളപ്പെട്ടെങ്കിലും എട്ടാം സ്ഥാനം നിലനിർത്തിക്കൊണ്ട് ഫൈനലിലേക്ക് കടക്കുകയായിരുന്നു. ആഗസ്റ്റ്14നാണ് ഈ ഇനത്തില്‍ ഫൈനല്‍ മല്‍സരം നടക്കുക.
ആർട്ടിസ്റ്റിക്ക് ജിംനാസ്റ്റിക്കിൽ വോൾട്ട് ,അൺ ഇൗവൻ ബാർ, ബാലൻസ് ബീം, ഫ്ളോർ എക്സസൈസ് ,എന്നീ വിഭാഗങ്ങളിലാണ് ദീപ മൽസരിച്ചത്. 1964 പുരുഷ വിഭാഗത്തിലാണ് ഇന്ത്യ അവസാനമായി യോഗ്യത നേടിയത്.
