01 July, 2016 03:42:21 PM
പോര്‍ച്ചുഗല്‍ യൂറോകപ്പ് സെമിയില്‍; വിജയം ഷൂട്ടൗട്ടിലൂടെ
മാഴ്‌സിലെ: ഷൂട്ടൗട്ട് ജയത്തോടെ പോര്‍ച്ചുഗല്‍ യൂറോകപ്പ് സെമിയില്‍ പ്രവേശിച്ചു. നിശ്ചിത സമയത്തും അധികസമയത്തും സമനില പാലിച്ചതിനെ തുടർന്നാണ് മൽസരം ഷൂട്ടൗട്ടിലേക്ക് നീണ്ടത്. ഷൂട്ടൗട്ടിൽ 5–3 നാണ് പോർച്ചുഗലിെൻറ വിജയം. പോളണ്ടിനായി രണ്ടാം മിനിറ്റില്‍ റോബേര്‍ട്ട് ലെവന്‍ഡോസ്‌കിയും പോര്‍ച്ചുഗലിനായി റെനാറ്റോ സാഞ്ചസ് 33-ാം മിനിറ്റിലുമാണ് ഗോള്‍ നേടിയത്.18 കാരനായ സാഞ്ചസിെൻറ ആദ്യ അന്താരാഷ്ട്ര ഗോളായിരുന്നു ഇത്. കഴിഞ്ഞ മൽസരത്തിൽ പകരക്കാരനായി ഇറങ്ങിയ റെനാറ്റോ സാഞ്ചസിനെ ആദ്യ ഇലവനിൽ തന്നെ ഇറക്കിയ കോച്ച് ഫെർണാണ്ടോ സാൻറസിെൻറ തീരുമാനം ശരിവെക്കുന്നതായിരുന്നു താരത്തിെൻറ പ്രകടനം. ഷൂട്ടൗട്ടിൽ ക്രിസ്റ്റ്യാനോ റൊണാൾഡോ,റെനാറ്റോ സാഞ്ചസ്,ജാവോ മൗട്ടീഞ്ഞോ,നാനി,റിക്കാർഡോ കരസ്മോ എന്നിവർ ലക്ഷ്യം കണ്ടപ്പോൾ പോളണ്ടിെൻറ യാക്കൂബ് ബ്ലാസ്ക്കിയോവസ്ക്കിയുടെ ഷോട്ട് ഗോൾകീപ്പർ പട്രീഷ്യോ തടുത്തിട്ടു.
മത്സരം തുടങ്ങി സെക്കന്റുകള്‍ക്കകം ലീഡെടുത്ത പോളണ്ടാണ് 120 മിനിറ്റുകള്‍ക്ക് ശേഷം പരാജിതരായി മടങ്ങിയത്. ക്രിസ്റ്റ്യാനോ റൊണാള്‍ഡോ സുവര്‍ണാവസരങ്ങള്‍ മുഴുവന്‍ നഷ്ടപ്പെടുത്തിയപ്പോള്‍ റെനറ്റോ സാഞ്ചസ് എന്ന യുവതാരത്തിലൂടെയാണ് പോര്‍ച്ചുഗല്‍ മറുപടി നല്‍കിയത്. ഇന്ന് നടക്കുന്ന രണ്ടാം ക്വാര്‍ട്ടറിലെ വെയിൽസ്– ബെൽജിയം മൽസരത്തിലെ വിജയികളെയാണ് സെമിയില്‍ പോര്‍ച്ചുഗലിന് നേരിടാനുള്ളത്.ക്വാർട്ടർ മൽസരത്തിൽ കളിയിലെ കേമനായി പോര്‍ച്ചുഗലിന്റെ കൗമാരതാരം റെനെറ്റോ സാഞ്ചസിനെ തെരഞ്ഞെടുത്തു. മൽസരത്തിൽ പോർച്ചുഗലിനേക്കാളും പോളണ്ടിനായിരുന്നു ബോൾ നിയന്ത്രണം കൂടുതൽ.
