10 February, 2022 05:49:37 PM
പോലീസിനെ വെട്ടിച്ച് കടന്നുകളഞ്ഞ പോക്സോ കേസ് പ്രതിയെ നാട്ടുകാർ പിടികൂടി
തൃശൂര്‍: പോലീസിനെ വെട്ടിച്ച് കടന്നുകളഞ്ഞ പോക്സോ കേസ് പ്രതി പിടിയിൽ. വിയ്യൂര്‍ ജയിലില്‍നിന്ന് ചികിത്സയ്ക്കായി മെഡിക്കല്‍ കോളേജില്‍ എത്തിച്ചപ്പോൾ കടന്നുകളഞ്ഞ ഉത്തര്‍പ്രദേശ് സ്വദേശി ഷെഹീനാണ് പിടിയിലായത്. ഇയാളെ നാട്ടുകാർ പിടികൂടി പോലീസിൽ ഏൽപ്പിക്കുകയായിരുന്നു.
വ്യാഴാഴ്ച ഉച്ചയോടെയാണ് ഇയാൾ രക്ഷപ്പെട്ടത്. മെഡിക്കല്‍ കോളജില്‍ എത്തിച്ച പ്രതിയ്‌ക്കൊപ്പം പോലീസ് ഉദ്യോഗസ്ഥര് ഉണ്ടായിരുന്നെങ്കിലും പരിശോധന നടക്കുന്നതിനിടെ രക്ഷപ്പെട്ടുകയായിരുന്നു. 2021-ല്‍ എറണാകുളം ഏലൂരില്‍ നടന്ന ഒരു പോക്സോ കേസുമായി ബന്ധപ്പെട്ടാണ് ഷെഹീനെ അറസ്റ്റു ചെയ്തത്. വിചാരണ നടപടികള്‍ പുരോഗമിക്കുകയാണ്. ഇതിനിടെയാണ് പ്രതി ചാടിപ്പോയത്.
