21 January, 2022 03:59:26 PM
കുതിരാൻ തുരങ്കത്തിലെ 104 ലൈറ്റുകളും കാമറയും ടിപ്പർ ലോറി ഇടിച്ച് തകർത്തു
തൃശൂർ: കുതിരാൻ തുരങ്കത്തിലെ ലൈറ്റുകൾ ടിപ്പർ ലോറി ഇടിച്ച് തകർന്നു. 104 ലൈറ്റുകളും കാമറയുമാണ് തകർന്നത്. പാലക്കാടുനിന്ന് തൃശൂരിലേക്കുള്ള തുരങ്കത്തിന്‍റെ ആദ്യഭാഗത്താണ് ലൈറ്റുകൾ തകർന്നത്. ഒന്നാം തുരങ്കത്തിലൂടെ ലോറിയുടെ പിൻഭാഗം ഉയർത്തി ഓടിച്ചതാണ് ഉപകരണങ്ങൾ തകരാൻ കാരണമായത്. സംഭവത്തിനു ശേഷം ലോറി നിർത്താതെ ഓടിച്ചുപോയി. പത്ത് ലക്ഷം രൂപയുടെ നഷ്ടം കണക്കാക്കുന്നു. ലോറിക്കായി പോലീസ് അന്വേഷണം ആരംഭിച്ചു.
