19 September, 2021 05:47:09 PM
കരുവന്നൂര്‍ സഹകരണ ബാങ്ക് തട്ടിപ്പ്: സിപിഎം പ്രവർത്തകനായ പരാതിക്കാരനെ കാണാനില്ല
തൃശൂർ: കരുവന്നൂര്‍ സഹകരണ ബാങ്ക് തട്ടിപ്പ് കേസിലെ പരാതിക്കാരനെ കാണാനില്ലെന്ന് പരാതി. സിപിഎം പ്രവർത്തകനായ സുജേഷ് കണ്ണാട്ടിനെയാണ് കാണാതായത്. ശനിയാഴ്ച മുതലാണ് സുജേഷിനെ കാണാതായതെന്ന് ബന്ധുക്കൾ പറയുന്നു. മൊബൈൽ ഫോണും നിലച്ചിരിക്കുകയാണ്.
കരുവന്നൂര്‍ ബാങ്ക് തട്ടിപ്പുമായി ബന്ധപ്പെട്ട് ഒറ്റയാൾ സമരം നടത്തിയയാളാണ് മുൻ ബ്രാഞ്ച് സെക്രട്ടറിയായ സുജേഷ്. പാര്‍ട്ടിയിലെ എതിര്‍പ്പ് അവഗണിച്ചായിരുന്നു സമരം. പാർട്ടിയുടെ വിവിധ ഘടകങ്ങളിലും സുജേഷ് പരാതി നൽകിയിരുന്നു. ഇതിനെ തുടർന്ന് വധഭീഷണി നേരിട്ടിരുന്നു. കാണാതായ സംഭവത്തിൽ പോലീസ് അന്വേഷണം ആരംഭിച്ചു.
