15 April, 2021 04:56:42 PM
തൃശൂരില്‍ മെഗാ വാക്സിനേഷൻ ക്യാമ്പുകൾ താത്കാലികമായി നിർത്തി വയ്ക്കുന്നു
തൃശൂർ: തൃശൂരിലും മെഗാ വാക്സിനേഷൻ ക്യാമ്പുകൾ താത്കാലികമായി നിർത്തി വയ്ക്കുന്നു. വാക്സിൻ ലഭിക്കാത്ത സാഹചര്യത്തിലാണ് നടപടി. ജവഹർ ബാലഭവൻ, തൃശൂർ ടൗണ്‍ഹാൾ എന്നിവിടങ്ങളിലായി നടന്നുവന്ന കോവിഡ് മെഗാ വാക്സിനേഷൻ ക്യാമ്പുകളാണ് നിർത്തുന്നത്.
വെള്ളിയാഴ്ച മുതൽ വാക്സിനേഷൻ ഉണ്ടായിരിക്കില്ലെന്ന് ജില്ലാ മെഡിക്കൽ ഓഫീസർ വാർത്താ കുറിപ്പിൽ അറിയിച്ചു. വാക്സിൻ ലഭ്യമാകുന്നതനുസരിച്ച് വാക്സിനേഷൻ പുനഃരാരംഭിക്കുമെന്നും മെഡിക്കൽ ഓഫീസർ വ്യക്തമാക്കി. നേരത്തെ, വാക്സിൻ സ്റ്റോക്ക് തീർന്ന സാഹചര്യത്തിൽ തിരുവനന്തപുരം, എറണാകുളം ഉൾപ്പടെ അഞ്ച് ജില്ലകളിൽ മെഗാ വാക്സിനേഷൻ ക്യാമ്പുകൾ താത്കാലികമായി നിർത്തിവച്ചിരുന്നു.
